- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئىستانبۇلدا خىتايغا قارشى نامايىش ۋە ئاخبارات ئېلان قىلىش يىغىنى ئۆتكۈزۈلمەكچى
1997-يىلى 5-فېۋرال يۈز بەرگەن غۇلجا قەتلىئامىنى خاتىرىلەش ۋە بېيجىڭ ئىرقىي قىرغىنچىلىق ئولىمپىكىغا قارشىلىق بىلدۈرۈش ئۈچۈن، خىتاينىڭ ئىستانبۇلدىكى باش كونسۇلخانىسى ئالدىدا نامايىش ۋە ئاخبارات ئېلان قىلىش يىغىنى ئۆتكۈزۈلمەكچى.
مەزكۇر نامايىش ۋە ئاخبارات ئېلان قىلىش يىغىنى خەلقئارا شەرقىي تۈركىستان تەشكىلاتلار بىرلىكىنىڭ ئورۇنلاشتۇرۇشى ۋە باشقا تەشكىلاتلارنىڭ قوللىشى بىلەن تەشكىللەنگەن بولۇپ، 4-فېۋرال (جۈمە) سائەت 11 گە ئورۇنلاشتۇرۇلدى.
ئەسلىدە ھەر يىلى غۇلجا قەتلىئامىنى خاتىرىلەش ئۈچۈن ئۆتكۈزۈلۈپ كېلىۋاتقان نامايىش 5-فېۋرالغا ئورۇنلاشتۇرۇلۇپ كەلگەن بولسىمۇ، بېيجىڭدا ئۆتكۈزۈلمەكچى بولغان قىشلىق ئولىمپىك مۇسابىقىسىنىڭ 4-فېۋرال باشلىنىدىغانلىقى سەۋەبلىك، بۇ يىل ھەم غۇلجا قەتلىئامىنى خاتىرىلەش، ھەم بېيجىڭ ئىرقىي قىرغىنچىلىق ئولىمپىكىغا قارشىلىق بىلدۈرۈش نامايىشىنى بىرلەشتۈرۈپ 4-فېۋرال ئۆتكۈزۈش قارار قىلىنغان.
مەزكۇر نامايىش يەنە تۈركىيەنىڭ كاستامونۇ ۋە قەھرىمانماراش ۋىلايىتىدىمۇ ئۆتكۈزۈلىدىغان بولۇپ، نامايىشقا قاتناشقۇچىلار ئۈچۈن ئاپتوبۇس ئورۇنلاشتۇرۇلدى. ھەرقايسى تەشكىلاتلارنىڭ مەسئۇللىرى ئىجتىمائىي تاراتقۇ ۋاسىتىلىرى ئارقىلىق تۈركىيەدە ياشاۋاتقان شەرقىي تۈركىستان خەلقىگە خىتاب قىلىپ، مەزكۇر نامايىشقا ئاكتىپ قاتنىشىشقا، خىتايغا قارشى غەزەپ-نەپرىتىنى بىلدۈرۈشكە چاقىردى.
تەييارلىغۇچى: ي. قۇرۇم