- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاينىڭ ئىرقىي قىرغىنچىلىق جىنايىتى ھەققىدە ئاخبارات ئېلان قىلىش يىغىنى ئۆتكۈزۈلدى
خەلقئارا جىنايى ئىشلار سوتىدا خىتاينىڭ شەرقىي تۈركىستان خەلقىگە يۈرگۈزۈۋاتقان ئىرقىي قىرغىنچىلىق جىنايىتىگە چېتىشلىق ئەمەلدارلىرىغا قارىتا دەۋا ئېچىش ھەققىدىكى ئاخبارات ئېلان قىلىش يىغىنى 1-فېۋرال ئىستانبۇل توپكاپى مېھمانخانىسىدا ئۆتكۈزۈلدى.
ئاخبارات ئېلان قىلىش يىغىنى شەرقىي تۈركىستان ئىنسان ھەقلىرى كۆزىتىش جەمئىيىتىنىڭ باشچىلىقىدا تەشكىللەنگەن بولۇپ، پائالىيەت شەرقىي تۈركىستاندىكى ئىرقى قىرغىنچىلىقنىڭ زىيانكەشلىكىگە ئۇچرىغان خەلق ئۈچۈن بىر مىنۇت سۈكۈتتە تۇرۇش، تۈركىيە ۋە شەرقىي تۈركىستان ئىستىقلال مارشىنى ئوقۇش بىلەن باشلاندى.
ئالدى بىلەن شەرقىي تۈركىستان مىللىي ئويغىنىش ھەرىكىتى رەئىسى سالىھ خۇدايارنىڭ سىنلىق نۇتقى قويۇلدى. ئارقىدىن تۈرك دۇنياسى ھەمكارلىق ۋە ياردەم جەمئىيىتى رەئىسى خالىد قاناق بىرلەشمە باياناتنى ئوقۇپ ئۆتتى.
باياناتتا خىتاينىڭ شەرقىي تۈركىستاندىكى جىنايى قىلمىشلىرىنىڭ ئىرقىي قىرغىنچىلىق جىنايىتى ئۆلچىمىگە چۈشىدىغانلىقى، خىتاي شەرقىي تۈركىستاندا سادىر قىلىۋاتقان جىنايەتلىرى سەۋەبلىك جازاغا تارتىلىشى كېرەكلىكى، بۇنىڭ ئۈچۈن دەۋا سېپىدىكىلەر خەلقئارا قانۇندىن ئۈنۈملۈك پايدىلىنىشى، ھەرىكەتلىرىنى تەرتىپلىك داۋاملاشتۇرۇشى كېرەكلىكى تەكىتلەندى.
ئاخبارات ئېلان قىلىش يىغىنىدا يەنە خىتاي ھەققىدە خەلقئارا سوت كوللېگىيەسىگە سۇنۇلغان دەۋانىڭ نۆۋەتتىكى تەرتىپ-باسقۇچلىرى تونۇشتۇرۇلدى. يىغىندا يەنە گۈلدەن سۆنمەز خانىم «ئىرقىي قىرغىنچىلىققا قارشى تۇرۇشتا قانۇنىي كۈرەشنىڭ ئەھمىيىتى» تېمىسىدا سۆز قىلدى.
تەييارلىغۇچى: ئابدۇخەبەر رەجەپ