- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
دۇنيا ئىماملار كېڭىشى بېيجىڭ ئولىمپىكىنى بايقۇت قىلىشقا چاقىرىق قىلدى
خەلقئارالىق ئىسلامىي تەشكىلات «دۇنيا ئىماملار كېڭىشى» ئالدىنقى ھەپتە بايانات ئېلان قىلىپ، خەلقئارا جەمئىيەتنى بېيجىڭ قىشلىق ئولىمپىكىنى بايقۇت قىلىشقا چاقىردى.
مەزكۇر باياناتتا دۇنيا ئىماملار كېڭىشىنىڭ زۇلۇمغا ئۇچراۋاتقان ئۇيغۇر مۇسۇلمانلىرى بىلەن بىر سەپتە تۇرىدىغانلىقى، خىتاي رېجىمىنىڭ باستۇرۇش، قىيىن-قىستاق ۋە دىكتاتورىلىق قاتارلىق ۋاسىتىلەر بىلەن مۇسۇلمانلارنىڭ ئەقەللىي ھەق-ھوقۇقلىرىنى دەپسەندە قىلغانلىقى قەيت قىلىنغان.
دۇنيا ئىماملار كېڭىشى باياناتىدا بېيجىڭ قىشلىق ئولىمپىكىغا قاتنىشىشنىڭ ھارام ئىكەنلىكى ھەققىدە پەتىۋا چىقارغانلىقىنى، بېيجىڭ ئولىمپىكىنىڭ ئۇيغۇرلارغا ئىرقىي قىرغىنچىلىق ۋە ئېتنىك تازىلاش يۈرگۈزۈۋاتقان خىتاي رېجىمىنىڭ نىشانى ئۈچۈن خىزمەت قىلىدىغانلىقىنى بايان قىلغان ۋە خەلقئارا جەمئىيەتنى، ھەرقايسى تەشكىلاتلارنى بېيجىڭ قىشلىق ئولىمپىكىنى بايقۇت قىلىشقا چاقىرغان.
دۇنيا ئىماملار كېڭىشى دۇنيانىڭ ھەرقايسى جايلىرىدىكى ئۆلىمالاردىن تەشكىللەنگەن ھۆكۈمەتسىز تەشكىلات بولۇپ، نۆۋەتتە مىڭدىن ئارتۇق ئەزاسى بار. ئۇيغۇر ئۆلىمالىرىدىن دوكتور ئالىمجان بۇغدا بىلەن ئۇستاز تۇرغۇنجان ئالاۋۇدۇن 2020-يىلى 9-ئايدا دۇنيا ئىماملار كېڭىشى مەسلىھەت كومىتېتىنىڭ ئەزالىقىغا قوبۇل قىلىنغانىدى.
نۆۋەتتە ئىدرىس ھەسەننى قۇتۇلدۇرۇش، بېيجىڭ ئولىمپىكىنى بايقۇت قىلىش قاتارلىق مەسىلىلەردە خەلقئارادىكى كۆپلىگەن ئىسلامىي تەشكىلاتلار ھەرىكەتكە ئۆتمەكتە.
تەييارلىغۇچى: ي. قۇرۇم