- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
لاگېردىن يەنە شېھىت خەۋىرى كەلدى
خىتاينىڭ شەرقىي تۈركىستاندىكى تېررور سىياسەتلىرى سەۋەبلىك زىيانكەشلىككە ئۇچراپ شېھىت بولغانلار بارغانچە كۆپەيگەن بولۇپ، 14-دېكابىر يەنە بىر ئۇيغۇرنىڭ جازا لاگېرىدا زىيانكەشلىككە ئۇچرىغانلىقى ھەققىدە مۇسىبەت خەۋىرى تارقالدى.
ئىجتىمائىي ئۇچۇر ۋاسىتىسى فېيسبۇكتا تارقالغان ئۇچۇردا ئاشكارىلىنىشىچە، ئوبۇلقاسىم ھەسەن ئىسىملىك بىر ئۇيغۇر ياش جازا لاگېرىدا شېھىت بولغان. ئوبۇلقاسىم ھەسەن 1980-يىل ئۈرۈمچىدە تۇغۇلغان بولۇپ، خىتاي دائىرىلىرى ئۇنى 2018-يىلى نويابىردا جازا لاگېرىغا سولىغان.
مەلۇم بولۇشىچە، ئۇنىڭ دوستلىرى ئوبۇلقاسىم ھەسەننىڭ 14-دېكابىر جازا لاگېرىغا قاراشلىق مەلۇم بىر دوختۇرخانىدا شېھىت بولغانلىق خەۋىرىنى ئالغان. فېيسبۇكتا يوللانغان ئۇچۇردا ئۇبۇلقاسىم ھەسەننىڭ جازا لاگېرىغا كىرىشتىن بۇرۇنقى سۈرىتى بىلەن كېسەل كارىۋىتىدا نىمجان ھالەتتە ياتقان سۈرىتى سېلىشتۇرۇلۇپ ھەمبەھرىلەنگەن. ئىككى سۈرەت ئوتتۇرىسىدا زور پەرق مەۋجۇت بولۇپ، لاگېردىكى ئازاب-ئوقۇبەت سەۋەبلىك، ئورۇقلاپ تونۇغىلى بولمايدىغان ھالەتكە كېلىپ قالغان.
تورداشلار مەزكۇر سۈرەتلەردىن جازا لاگېرىدىكى خەلقنىڭ تولىمۇ ئېچىنىشلىق ئەھۋالدا ئىكەنلىكىنى كۆرگىلى بولىدىغانلىقىنى، بۇ كۆرۈنۈشنىڭ ئىرقى قىرغىنچىلىقنىڭ بىر پاكىتى ئىكەنلىكىنى، ناتسىست گېرمانىيە دەۋرىدىكى جازا لاگېرلىرىنى ئەسلەتكەنلىكىنى بىلدۈرۈشتى.
تەييارلىغۇچى: ئابدۇخەبەر رەجەپ