- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
كۆكدالا شەھىرىدە 200 گە يېقىن كىشى ئايرىپ كۆزىتىلدى
يېقىنقى بىر ھەپتە ئىچىدە ئىلى ۋىلايىتىگە تەۋە كۆكدالا شەھىرىدە يېڭىدىن ئىككى كىشى خىتاي ۋىرۇسى بىلەن يۇقۇملانغانلىقى سەۋەبلىك شەھەر قامال قىلىنغان.
ئاتالمىش «ئۇيغۇر ئاپتونوم رايونلۇق» سەھىيە ساقلىقنى ساقلاش كومىتېتى ئاخبارات بۆلۈمى 7-ئۆكتەبىر بايانات ئېلان قىلىپ، ئالدىنقى بىر كۈن ئىچىدە يېڭىدىن بىر يۇقۇملانغۇچىنىڭ بايقالغانلىقىنى، ئالامەتسىز يۇقۇملانغۇچىلار تۆت ئىكەنلىكىنى، بۇلار ئىچىدىكى ئىككى بىمار قورغاستا بايقالغانلىقىنى، ئىلى ۋىلايىتىگە جايلاشقان 4-دىۋىزىيەدىكى كۆكدالا شەھىرى تەۋەلىكىدىكى 62-مەيداندا ئىككى بىمار بايقالغانلىقىنى بىلدۈرگەنىدى.
7-ئۆكتەبىر شەرقىي تۈركىستاندىكى دىۋىزىيەلەرنى ئۆز ئىچىگە ئالغان بىر قىسىم رايونلاردا خىتاي ۋىرۇس بىلەن يۇقۇملانغۇچىلار بايقالغانلىقى سەۋەبلىك 48 سائەت ئىچىدە رايوندا ئومۇميۈزلۈك تەكشۈرۈش يولغا قويۇلغان.
بىلدۈرۈشىچە، خىتاي دائىرىلىرى شەرقىي تۈركىستاندا بايقالغان ۋىرۇسقا مۇناسىۋەتلىك ئۇچۇرلارنى قاتتىق تىزگىنلىگەن. نۆۋەتتە كۆكدالا شەھىرى قامال قىلىنغان بولۇپ، يېڭىدىن بايقالغان ئىككى بىمار بىلەن ئۇچراشقان 200 گە يېقىن كىشى مەخسۇس ئورنىدا تېببىي كۆزىتىلىشكە باشلىغان.
كۆزەتكۈچىلەر خىتاينىڭ ۋىرۇسنى باھانە قىلىپ، شەرقىي تۈركىستان خەلقىگە قاراتقان نازارەت ۋە باستۇرۇش جىنايەتلىرىنى قايتىدىن كۈچەيتىشىدىن ئەندىشە قىلىۋاتقانلىقىنى بىلدۈرۈشمەكتە.