- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
شەرقىي تۈركىستان مائارىپ جەمئىيىتى ئايلىق سۆھبەت يىغىنى ئۆتكۈزدى
شەرقىي تۈركىستان مائارىپ ۋە ھەمكارلىق جەمئىيىتى 3-ئۆكتەبىر چاپىدىكى جەمئىيەت مەركىزىدە ئايلىق سۆھبەت يىغىنى ئۆتكۈزدى.
سۆھبەت يىغىنى قۇرئان كەرىم تىلاۋىتى بىلەن باشلاندى. ئالدى بىلەن جەمئىيەت رەئىسى ۋە شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخان ئېچىلىش سۆزى قىلدى.
ئۇ سۆزىدە مائارىپ جەمئىيىتىنىڭ ئىسلامىي ۋە مىللىي نۇقتىئىنەزەر ئاساسىدا، شەرقىي تۈركىستاننى مۇستەقىل قىلىشنى نىشان قىلىپ قۇرۇلغان بىر ئىسلامىي، سىياسىي تەشكىلات ئىكەنلىكىنى تەكىتلىدى ۋە نەچچە يىلدىن بېرى نۇرغۇن ياشلارنى تەربىيەلەپ كېلىۋاتقانلىقىنى، ئۇلارنىڭ ھازىر دەۋا سېپىدە ئاكتىپ خىزمەت قىلىۋاتقانلىقىنى، خىتاي ھەرخىل ۋاسىتىلەر بىلەن شەرقىي تۈركىستان دەۋاسىنى توسۇشقا ئۇرۇنۇۋاتقان بىر پەيتتە، ھەربىر ئۇيغۇرنىڭ قوللاش تەرەپتە تۇرۇشىنى ئۈمىد قىلىدىغانلىقىنى بىلدۈردى. ئۇ سۆزىدە يەنە بۇنىڭدىن كېيىن پائالىيەتلەرنىڭ كۆلىمىنى داۋاملىق كېڭەيتىدىغانلىقىنى قەيت قىلىپ ئۆتتى.
ئارقىدىن جامائەت ئەربابى ئابدۇقادىر ياپچان سۆز قىلىپ، خىتاينىڭ شەرقىي تۈركىستانغا تاجاۋۇز قىلىپ كىرگەندىن بېرى، شەرقىي تۈركىستان خەلقىنى قىرغىن قىلىش جىنايىتىنى ئازراقمۇ توختاتمىغانلىقىنى، ئۇيغۇرلار چوقۇم خىتايغا قارشى ئەمەلىي جىھادقا ئۆتۈشى كېرەكلىكىنى بىلدۈردى.
يىغىندا يەنە ئالاقىدار مەسىلىلەر مۇزاكىرە قىلىندى ۋە يىغىن قاتناشقۇچىلىرى شەرقىي تۈركىستان دەۋاسىنى تېخىمۇ كۈچەيتىش ھەققىدە تەكلىپ-پىكىرلىرىنى ئوتتۇرىغا قويدى. ئاخىرىدا يىغىن ئابدۇلھەفىز خەلپىتىمنىڭ شەرقىي تۈركىستان مۇجادىلىسىگە ئاكتىپ قاتنىشىشقا رىغبەتلەندۈرگەن نەسىھەتى ۋە دۇئاسى بىلەن ئاخىرلاشتى.
