- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
كۆك ئاي جەمئىيىتى كىشىلەرنى ئۆز كۈچىگە تايىنىپ ياشاشقا رىغبەتلەندۈرمەكتە
شەرقىي تۈركىستان كۆك ئاي ئىنسانىي ياردەم جەمئىيىتى تۈركىيەدىكى قىيىنچىلىقى بار ئۇيغۇرلارنى ئۆز كۈچىگە تايىنىپ ياشاشقا رىغبەتلەندۈرۈپ، بىر تۈركۈم تىككۈچىلىك ماشىنىسى تارقاتتى.
جەمئىيەت قۇرۇلغان قىسقا ۋاقىت ئىچىدە خەلقئارا جەمئىيەتتىكى بىر نەچچە ئىنسانىي ياردەم جەمئىيىتى ۋە ۋەقفىلەر بىلەن ھەمكارلىشىپ، مۇھاجىرەتتە ياشاۋاتقان شەرقىي تۈركىستان خەلقىنىڭ ھەر جەھەتتىكى ئېھتىياجىنى قامداش ئۈچۈن خىزمەت قىلىپ كەلگەن بولۇپ، بۇ قېتىم تۇرمۇشتا قىيىنچىلىقى بار كىشىلەرنى ئۆز كۈچىگە تايىنىپ ياشاشقا رىغبەتلەندۈرۈپ، 21 ئائىلىگە بىردىن تىككۈچىلىك ماشىنىسى تارقىتىپ بەردى.
جەمئىيەت رەئىسى ئابدۇرېھىم ئەزىزئوغلىنىڭ ئېيتىشىچە، جەمئىيەت بۇلتۇر 10 يۈرۈش تىككۈچىلىك ماشىنىسىنى سىناق تەرىقىسىدە قىيىنچىلىقى بار 10 ئائىلىگە تارقىتىپ بەرگەن بولۇپ، ئۈنۈمى ياخشى بولغان. تىككۈچىلىك ماشىنىسى تارقىتىلغان ئائىلىلەر تىرىشىپ ئىشلەپ، ئۆزىنىڭ ئېھتىياجىدىن چىققان.
نۆۋەتتە تۈركىيەدە ياردەمگە ئېھتىياجلىق 3000 غا يېقىن ئائىلە بار بولۇپ، بۇلار ئىچىدە 600 گە يېقىن ئائىلىدە تۇل ئايال بار ئىكەن. كۆك ئاي جەمئىيىتى بۇ قېتىم بۇلارنىڭ ئىچىدىن پەرزەنتلىرى كۆپ، سىرتقا چىقىپ ئىشلەش شارائىتى بولمىغان 21 تۇل ئايالنى تاللاپ، ھەر بىر ئائىلىگە بىردىن تىككۈچىلىك ماشىنىسى تارقىتىپ بەرگەن.
ياردەمگە ئېرىشكەن ئاياللار زىيارىتىمىزنى قوبۇل قىلىپ، ئۆيدە پەرزەنتلىرىنىڭ دادىسى بولمىغانلىقى سەۋەبلىك، ئۆز كۈچىگە تايىنىپ ياشاشقا بەل باغلىغانلىقىنى، ياردەم تارقاتقان كۆك ئاي جەمئىيىتىگە، شۇنداقلا ھەمكارلاشقان ۋە قوللىغان بارلىق ساخاۋەتچىلەرگە رەھمەت ئېيتىدىغانلىقىنى بىلدۈردى.
