- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي خەلقئارا ھەربىي ئىشلار مۇسابىقىسىنى شەرقىي تۈركىستاندا ئۆتكۈزدى
خىتاي تەشۋىقات ئورگىنى تەڭرىتاغ تورىنىڭ خەۋىرىدە بىلدۈرۈلۈشىچە، خىتاي قۇرۇقلۇق ئارمىيەسىنىڭ «خەلقئارا ھەربىي ئىشلار مۇسابىقىسى-2021»نىڭ ئېچىلىش مۇراسىمى 22-ئاۋغۇست كورلا شەھىرىدە ئۆتكۈزۈلگەن.
مەزكۇر مۇسابىقىنى بۇ قېتىم خىتاي قۇرۇقلۇق ئارمىيەسى تەشكىللىگەن بولۇپ، مۇسابىقىگە خىتاي، بېلارۇسىيە، مىسىر، رۇسىيە، ئۆزبېكىستان، ۋېنېزۇئېلا ۋە ۋىيېتنامدىن كەلگەن 18 كوماندا قاتناشقان.
مەلۇم بولۇشىچە، «ھەربىي ئىشلار ساھەسىدىكى ئولىمپىك» دەپ قارىلىپ كەلگەن خەلقئارا ھەربىي ئىشلار مۇسابىقىسى رۇسىيە دۆلەت مۇداپىئە مىنىستىرلىكى تەشەببۇس قىلغان خەلقئارا خاراكتېرلىك ھەربىي ئىشلار مۇسابىقىسى بولۇپ، 2013-يىلى باشلانغان. بۇ يىللىق مۇسابىقىگە 18 كوماندا قاتناشقان بولۇپ، ئۈچ تۈر بويىچە ئون مەيدان مۇسابىقە ۋە يېپىلىش مۇراسىمى ئۇيۇشتۇرۇلىدىكەن.
خىتاينىڭ شەرقىي تۈركىستان خەلقىگە ئىجرا قىلىۋاتقان ئىرقىي قىرغىنچىلىق جىنايىتى سەۋەبلىك، بىر قىسىم دۆلەتلەر خىتاينى قاتتىق ئەيىبلەۋاتقان ۋە خىتايغا قارشى تەدبىرلىرىنى كۈچەيتىۋاتقان، شۇنداقلا شەرقىي تۈركىستان بىلەن چېگرالىنىدىغان ئافغانىستاننىڭ ۋەزىيىتىدە تۇيۇقسىز زور ئۆزگىرىش بولغان بىر پەيتتە، خىتاينىڭ بۇ ھەربىي يىغىلىشنى شەرقىي تۈركىستاندا ئۆتكۈزۈشى دىققەت قوزغىدى.