- 2024-يىلى 11-ئاينىڭ 27-كۈنىدىكى مۇھىم خەۋەر
- خىتاي مۇداپىئە مىنىستىرىنىڭ تەكشۈرۈلۈۋاتقانلىقى ئىلگىرى سۈرۈلمەكتە
- ئامېرىكا Temu نىڭ ئۇيغۇر مەجبۇرىي ئەمگىكىگە چېتىلىش مەسىلىسىنى تەكشۈرۈشكە باشلىدى
- خىتاي ئەنقەرە ۋە ئىستانبۇلدا شەرقىي تۈركىستان ھەققىدىكى ساختا تەشۋىقاتلىرىنى بازارغا سالدى
- خىتاينىڭ خاككېرلىق ھۇجۇملىرى ئامېرىكا ئەمەلدارلىرىنى ئەندىشىگە سالماقتا
- تىرامپ: خىتاينىڭ بارلىق مەھسۇلاتلىرىدىن %10 قوشۇمچە تاموژنا بېجى ئالىمەن
- خىتاي ئاققۇنلىرىنى شەرقىي تۈركىستانغا كۆچۈرۈش لىنىيەلىرى داۋاملىق كۆپەيتىلمەكتە
- 2024-يىلى 11-ئاينىڭ 26-كۈنىدىكى مۇھىم خەۋەر
- 2024-يىلى 11-ئاينىڭ 13-كۈنىدىكى مۇھىم خەۋەر
- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
ئىتالىيە پارلامېنتى خىتاينىڭ شەرقىي تۈركىستاندىكى باستۇرۇشلىرىنى ئەيىبلىدى
زىمىستان تورىنىڭ خەۋىرىدە بىلدۈرۈلۈشىچە، 26-ماي ئىتالىيە پارلامېنتى خىتاينىڭ شەرقىي تۈركىستاندىكى سىستېمىلىق باستۇرۇش ۋە ئاسسىمىلياتسىيە سىياسىتىنى ئەيىبلەش ھەققىدە قارار ماقۇللىغان.
پارلامېنت ئەزالىرىنىڭ تولۇق ئاۋاز بىلەن ماقۇللىشى نەتىجىسىدە ئېلان قىلىنغان قاراردا شەرقىي تۈركىستاندا كىشىلىك ھوقۇقنىڭ ئېغىر دەخلى-تەرۇزغا ئۇچرىغانلىقى مۇئەييەنلەشتۈرۈلگەن ۋە خىتاينىڭ شەرقىي تۈركىستاندىكى مەجبۇرىي تۇغماس قىلىش، دىنىي ئەركىنلىكنى باستۇرۇش، مەجبۇرىي ئەمگەك، جازا لاگېرلىرى ۋە خالىغانچە تۇتۇپ تۇرۇش قاتارلىق جىنايەتلىرى ئەيىبلەنگەن.
ئىتالىيە پارلامېنتىنىڭ قارارىدا بىرلەشكەن دۆلەتلەر تەشكىلاتى، كىشىلىك ھوقۇقنى كۆزىتىش تەشكىلاتىنىڭ ۋە باشقا خەلقئارا مۇستەقىل تەشكىلاتلارنىڭ خىتاي رېجىمىنىڭ جىنايەتلىرى توغرىسىدىكى دەلىللىرى تىلغا ئېلىنغان. ئەمما بۇ قاراردا «ئىرقىي قىرغىنچىلىق» دېگەن ئاتالغۇ ئىشلىتىلمىگەن.