- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تۈركىيەدىكى ئۇيغۇرلارنىڭ بىر قىسىم مۇھىم رەسمىيەتلىرى ئاسانلاشتى
شەرقىي تۈركىستان بىلەن ئالاقىنىڭ پۈتۈنلەي ئۈزۈلۈشى سەۋەبلىك، تۈركىيەدە ياشاۋاتقان شەرقىي تۈركىستان خەلقىنىڭ باش قېتىنچىلىقىغا ئايلانغان بويتاقلىق ئىسپاتى مەسىلىسى تىرىشچانلىقلار نەتىجىسىدە ھەل قىلىندى.
تۈركىيەدە ياشاۋاتقان شەرقىي تۈركىستان خەلقى ئۇزۇندىن بېرى تۈركىيەدىكى خىتاي كونسۇلخانىسى ۋە ئەلچىخانىلىرىدىن كېرەكلىك ئىسپاتلارنى ئالالمىغانلىقى، ۋەتەندىكىلەر بىلەن ئالاقىنىڭ پۈتۈنلەي ئۈزۈلۈشى سەۋەبلىك نۇرغۇن قىيىنچىلىقلارغا دۇچ كەلگەن بولۇپ، بۇ مەسىلىلەرنىڭ بىرى بولغان بويتاقلىق ئىسپاتى تەييارلاش مەسىلىسى توي خېتى، نوپۇس ئىلتىماسى ۋە باشقا ئىشلارغا توسالغۇ بولۇپ كەلگەن ئىدى.
خەلقئارا شەرقىي تۈركىستان تەشكىلاتلار بىرلىكىنىڭ ئۇزۇن مۇددەت تىرىشچانلىق كۆرسىتىشى نەتىجىسىدە بۇ مەسىلىمۇ ھەل بولغان بولۇپ، تۈركىيە ئىچكى ئىشلار مىنىستىرلىكى بۇ ھەقتىكى يېڭى قارارىنى ئۇقتۇرغان.
قاراردا تۈركىيەدە ياشاۋاتقان شەرقىي تۈركىستان خەلقىنىڭ بۇنىڭدىن كېيىن تۈركىيەنىڭ 81 ۋىلايىتىدىكى كۆچمەنلەر ئىدارىسىدىن بويتاقلىق ئىسپاتى ئالالايدىغانلىقى، بۇ ئىسپات ئارقىلىق بارلىق ئالاقىدار رەسمىيەتلىرىنى بېجىرسە بولىدىغانلىقى بىلدۈرۈلگەن.