- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
قىرغىزىستاندىكى ئۇيغۇرلار چېگرا توقۇنۇشىدا زىيانغا ئۇچرىغان ئائىلىلەرنى يوقلىدى
يېقىندا قىرغىزىستان بىلەن تاجىكىستان ئوتتۇرىسىدا يۈز بەرگەن چېگرا توقۇنۇشى نەچچە ئونلىغان كىشىلەرنىڭ قازا قىلىشىغا، نۇرغۇنلىغان كىشىلەرنىڭ يارىلىنىشىغا ۋە ئۆي-ماكانسىز قېلىشىغا سەۋەب بولغان ئىدى.
بىشكەك شەھىرىگە جايلاشقان مەدىنە بازىرىدىكى بىر تۈركۈم ئۇيغۇرلار بۇ ھەپتە تۇرسۇنتاي ھاجىمنىڭ باشچىلىقىدا ھال سوراش ھەيئىتى تەشكىللەپ، چېگرا توقۇنۇشى يۈز بەرگەن باتكەن ۋىلايىتىنىڭ بىر يېزىسىغا بېرىپ، ئۆلۈم-يېتىم بولغان، ئۆيلىرى ۋەيران بولغان ئائىلىلەرنى يوقلىغان ۋە ئۇلارغا جەمئىي ئىككى مىليون سوم (تەخمىنەن 24 مىڭ دوللار) نەق پۇل ياردىمى تارقىتىپ بەرگەن.
مەلۇم بولۇشىچە، 28-ئاپرېلدىن 30-ئاپرېلغىچە يۈز بەرگەن توقۇنۇشلاردا، قىرغىزىستان تەرەپتىن بىر بالىنى ئۆز ئىچىگە ئالغان جەمئىي 34 قىرغىزىستان پۇقراسى قازا قىلغان، 178 كىشى ئوخشىمىغان شەكىلدە يارىلانغان. تاجىكىستان تەرەپتىنمۇ 15 ئادەم قازا قىلىپ، 90 كىشى يارىلانغان. قىرغىزىستان تەرىپىدىن 30 مىڭدىن ئارتۇق كىشى ئۆي-ماكانلىرىنى تاشلاپ كېتىشكە مەجبۇر بولغان. بىر بۆلۈك كىشىلەر بۇنىڭدىن پايدىلىنىپ، قىرغىز يېزىلىرىغا ئوت قويۇۋەتكەن. نەتىجىدە 100 دىن ئارتۇق بىنا پۈتۈنلەي ۋەيران بولغان.
