- دوكلات: خىتاي خاككېرلار تىبەت رەھبىرىنى نىشانلىدى
- ياپونىيەنىڭ كۆك تاشلىق كىتابى خىتاينىڭ ھىندى-تىنچ ئوكياندىكى تەھدىتىگە مەركەزلەشتى
- خىتاينىڭ ئاساسلىق شەھەرلىرىنىڭ يېرىمى دېگۈدەك چۆكمەكتە
- خىتايغا قەرز تۆلەش مۇددىتىنىڭ يېقىنلىشىشى قىرغىزىستاننى ئەندىشىگە سالماقتا
- گېرمانىيە بىلەن خىتاي ئاپتوموبىل سانلىق مەلۇماتلىرىنى ئورتاقلىشىش كېلىشىمى ئىمزالىدى
- ياپونىيە: خىتاي، شىمالىي كورىيە ۋە رۇسىيە ئىككىنچى دۇنيا ئۇرۇشىدىن بۇيانقى ئەڭ ئېغىر تەھدىت
- شەرقىي تۈركىستاندىكى قاتتىق تەقىب ئىزچىل داۋام قىلماقتا
- قىرغىزىستان خىتاي ئەپ دېتالى TikTok نى رەسمىي چەكلىدى
- تۈركىيە يەرلىك سايلىمىدىن كېيىن پارلامېنت ئەزالىرىنىڭ سانىدا ئۆزگىرىش بولدى
- ئامېرىكا خىتاينىڭ تۆكمە قىلىپ سېتىشىغا قارشى تەدبىر ئېلان قىلدى
ئاۋسترالىيەدىكى خىتاي كونسۇلخانىسى ئالدىدا نامايىش داۋاملاشماقتا
بۈگۈن ئاۋسترالىيەنىڭ ئادېلايد شەھىرىدىكى خىتاي كونسۇلخانىسى ئالدىدا خىتاينىڭ شەرقىي تۈركىستاندا ئىجرا قىلىۋاتقان ئىرقىي قىرغىنچىلىق جىنايىتىگە قارشى نامايىش ئۆتكۈزۈلدى.
نامايىشنى ئاۋسترالىيە شەرقىي تۈركىستان جەمئىيىتى تەشكىللىگەن بولۇپ، نامايىشقا ئادېلەيد شەھىرىدە ياشاۋاتقان 100دىن ئارتۇق ئۇيغۇرلار قاتناشتى. نامايىشچىلار قوللىرىدا خىتاي رېجىمى تەرىپىدىن جازا لاگېرى ۋە تۈرمىگە قامالغان ئۇرۇق-تۇغقانلىرىنىڭ سۈرەتلىرى چۈشۈرۈلگەن تاختايلارنى ۋە خىتايغا قارشى پلاكاتلارنى كۆتۈرۈپ، «خىتاي، ئىرقىي قىرغىنچىلىقىنى توختات»، «ئۇيغۇرلارغا ئەركىنلىك» دېگەن شوئارلارنى توۋلىدى. خىتاينىڭ خەلقئارا جەمئىيەتنىڭ كۆز ئالدىدا سادىر قىلىۋاتقان ۋەھشىي جىنايىتىنى ئەيىبلىدى.
ئاۋسترالىيە شەرقىي تۈركىستان جەمئىيىتىنىڭ مۇئاۋىن رەئىسى تاشمەمەتھاجى بۇ ھەقتە زىيارىتىمىزنى قوبۇل قىلدى. ئۇنىڭ بىلدۈرۈشىچە، خىتاينىڭ شەرقىي تۈركىستاندا ئىجرا قىلىۋاتقان ئىرقىي قىرغىنچىلىق جىنايىتىگە قارشى ھەر جۈمە نامايىش قىلىش قارار قىلىنغان بولۇپ، نامايىش ئالتە ئايغىچە داۋاملىشىدىكەن. بۈگۈن نامايىشنىڭ ئۈچىنچى ھەپتىسى بولۇپ، ئادېلەيد شەھىرىدە ياشاۋاتقان ئۇيغۇر جامائەتچىلىكى پائالىيەتكە ئاكتىپ ماسلاشماقتىكەن.
