- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
تارقىلىۋاتقان سىنلار خىتاينىڭ شەرقىي تۈركىستاندىكى ئاسسىمىلياتسىيە سىياسىتىنى ئاشكارىلاپ بەرمەكتە
يېقىنقى كۈنلەردە شەرقىي تۈركىستاندىكى ئۇيغۇر ئۆسمۈرلىرىنىڭ ئانا تىلىدىن، مەدەنىيىتىدىن مەھرۇم قىلىنغان ھالدا، خىتاي مەدەنىيىتى ۋە خىتاي تىلىنىڭ مەجبۇرىي تېڭىلىۋاتقانلىقى ھەققىدىكى سىنلار كۆپلەپ تارقالدى.
ئىجتىمائىي ئۇچۇر ۋاسىتىلىرىدا تارقالغان بىر سىندا يەتتە-سەككىز ياشلاردىكى تۆت ئۇيغۇر قىزنىڭ خىتايلارنىڭ مىللىي كىيىمىنى كىيىپ، خىتاي ناخشىسى ئېيتىش ئۈچۈن سەھنە ئارقىسىدا مەشىق قىلىۋاتقانلىقى كۆرسىتىلگەن. يەنە بىر سىندا مەلۇم بىر مەكتەپ مەيدانىدا ئالتە-يەتتە ياشلار چامىسىدىكى 20 گە يېقىن ئۇيغۇر ئوقۇغۇچىنىڭ خىتايلارنىڭ كىيىمىنى كىيىپ ئويۇن قويۇۋاتقانلىقى كۆرسىتىلگەن. يەنە بىر سىندا بولسا خىتاي كىيىمى كىيدۈرۈلۈپ، خىتايغا ئوخشىتىپ گىرىم قىلدۇرۇلغان ئون ياشلار چامىسىدىكى ئوندەك ئۇيغۇر ئۆسمۈرنىڭ ئوخشاشلا سەھنىدە ئويۇن قويۇۋاتقانلىقى كۆرسىتىلگەن.
خىتاينىڭ جازا لاگېرى سىياسىتىگە ماس ھالدا داۋاملىشىۋاتقان ئاسسىمىلياتسىيە سىياسىتى شەرقىي تۈركىستاندا كۈچەپ ئىجرا قىلىنىۋاتقان بولۇپ، تارقىلىۋاتقان ئازغىنە سىنلىق ئىسپاتلار خىتاينىڭ بۇ جىنايىتىنى ئىسپاتلاپ بەرمەكتە.
