- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاينىڭ ئەنقەرەدىكى باش ئەلچىخانىسى ئالدىدا نامايىش ئۆتكۈزۈلدى
بۇلتۇر يىل ئاخىرىدا خىتاينىڭ ئىستانبۇلدىكى باش كونسۇلخانىسى ئالدىدا 17 كۈن خىتاي تەرىپىدىن تۇتۇپ كېتىلگەن ياكى ئىز-دېرىكى بولمىغان ئائىلە ئەزالىرى ئۈچۈن نامايىش قىلغان بىر گۇرۇپپا ياشلار ئالدى بىلەن خىتاينىڭ ئۇلارنى ئوچۇق-ئاشكارا تىز پۈكۈشكە تەكلىپ قىلىشىدىن ئىبارەت پەسكەش تەلىپىگە ئۇچرىغان ئىدى. ئارقىدىن ئىستانبۇل ۋالىيلىقىنىڭ ئارىلىشىشى بىلەن خىتاي ئاخىرىدا ئۇلارنىڭ ماتېرىياللىرىنى قوبۇل قىلىدىغانلىقىنى بىلدۈرگەن بولسىمۇ، ياشلار ئون نەچچە كۈن ئىچىدىلا توپلانغان 5199 كىشىلىك ماتېرىيالنى خىتايغا تاپشۇرۇش ئۈچۈن چىققان بولسىمۇ، كونسۇلخانا خادىملىرى ئىلگىرىكى سۆزىدىن يېنىۋېلىپ، ماتېرىياللىرىنى قوبۇل قىلمىغان ئىدى.
مەزكۇر ياشلار بۈگۈن خىتاينىڭ ئەنقەرەدە تۇرۇشلۇق باش ئەلچىخانىسى ئالدىدا خىتاينىڭ ئائىلە ئەزالىرىغا ۋە ئۇيغۇر خەلقىگە يۈرگۈزۈۋاتقان زوراۋانلىقىغا قارشى نارازىلىق نامايىشى ئۆتكۈزدى. نامايىشنىڭ باشلىنىشىدا ياشلار بىخەتەرلىك خادىملىرىنىڭ توسقۇنلۇقىغا ئۇچرىغان بولسىمۇ، ئۆزلىرىنىڭ ئىززەت-ھۆرمىتىنىڭ خىتايلار تەرىپىدىن دەپسەندە قىلىنغانلىقىنى، ئۆزلىرىنىڭ ھەرگىز بۇ يەردىن كەتمەيدىغانلىقىنى بىلدۈرۈشۈپ، كونسۇلخانا ئالدىدىن ئايرىلمىدى.
باشتىن-ئاخىر نامايىش مەيدانىدا بولغان ئەنقەرەدىكى مۇخبىرىمىز سالاھىدىن كاشىغەرلى نامايىش تەشكىللىگۈچىلىرى بىلەن بۈگۈنكى پائالىيەت ھەققىدە سۆھبەتلەشتى.