- خىتاي شەرقىي تۈركىستاننىڭ بايلىقىنى تالان-تاراج قىلىشقا يەنە 650 مىليون يۈەن ئاجراتتى
- ھىندىستان بىلەن خىتاي چېگرا چارلاش ھەمكارلىق كېلىشىمى ئىمزالىدى
- ئون نەچچە دۆلەت شەرقىي تۈركىستاننى مۇستەقىل تەكشۈرۈش ھەققىدە چاقىرىق قىلدى
- ئامېرىكا گېنېرالى: فىلىپپىنغا باشقۇرۇلىدىغان بومبا ئورۇنلاشتۇرۇشىمىز ئىنتايىن مۇھىم
- ئامېرىكىنىڭ ئۇيغۇر مەجبۇرىي ئەمگىكىگە بولغان سودا چەكلىمىسى ئاسىيا ئەللىرىگە تەسىر قىلغان
- خىتاي ئىسلام ھەمكارلىق تەشكىلاتىنى شەرقىي تۈركىستاندا «زىيارەت» قىلدۇردى
- خىتاينىڭ بېرمىدىكى كونسۇلخانىسى بومبا ھۇجۇمىغا ئۇچرىدى
- يېڭى زېللاندىيە خىتاينىڭ ئارىلىشىشىغا قارشى تۇرۇش سالمىقىنى ئاشۇردى
- كانادا مەجبۇرىي ئەمگەك مەھسۇلاتلىرىنى چەكلەشنى كۈچەيتمەكچى
- تىبەتنىڭ ھىندىستانغا نىسبەتەن مۇھىم ئىكەنلىكى تەكىتلەندى
تۈركىيە جۇمھۇرىيەت خەلق پارتىيەسىنىڭ پارلامېنت ئەزاسىمۇ ئۇيغۇرلار ھەققىدە توختالدى
تۈركىيەدىكى ئۆكتىچى پارتىيەلەردىن بىرى بولغان جۇمھۇرىيەت خەلق پارتىيەسى ئەسكى شەھەر مىللەت ۋەكىلى ئۇتكۇ چاكىر ئۆزەر خىتاينى ئۇيغۇرلارنىڭ ھەق-ھوقۇقىغا دەخلى-تەرۇز قىلدى دەپ ئەيىبلىدى.
ئۇتكۇ چاكىر ئۆزەر خىتاي بىلەن تۈركىيە ئوتتۇرىسىدا ئىمزالانغان «جىنايەتچىلەرنى ئالماشتۇرۇش كېلىشىمنامىسى»نىڭ تۈركىيەدە پاناھلىنىۋاتقان ئۇيغۇرلارنى زىيانكەشلىككە ئۇچرىتىدىغانلىقى ھەققىدە ئاگاھلاندۇرۇش بەردى. ئۇ سۆزىدە: «خىتاي بىلەن تۈركىيە ئوتتۇرىسىدا ئىمزالانغان جىنايەتچىلەرنى قايتۇرۇپ بېرىش كېلىشىمنامىسى ئۇيغۇرلارنىڭ زىيانكەشلىككە ئۇچرىشىغا سەۋەپ بولسا، بۇ كېلىشىمنامىنى مەجلىسكە ئەكىرمەڭلار» دېدى.
ئۇ يەنە :« خىتاي بىلەن بولغان مۇناسىۋىتىمىز ياخشى بولىدۇ، ئىقتىسادى ياردەم ئالىمىز دەپ يۈز مىڭلىغان ئۇيغۇر قېرىنداشلىرىمىزغا قارىتىلغان زۇلۇمغا سۈكۈت قىلىش بۇ مەجلىسكە ياراشمايدۇ. جىنايەتچىلەرنى ئالماشتۇرۇش كېلىشىمنامىسى تۈركىيەدە پاناھلانغان ئۇيغۇر قېرىنداشلىرىمىزنى قۇربان قىلىشقا ئىشلىتىلمەسلىكى كېرەك. ئەگەر تۈركىيەدە پاناھلىنىۋاتقان، ھېچقانداق بىر جىنايەت بىلەن ئالاقىسى بولمىغان بىگۇناھ ئۇيغۇرلارنىڭ ھاياتىغا خەۋپ يەتكۈزسە بۇ كېلىشىمنامە تەستىقلانماسلىقى ياكى كېچىكتۈرۈلۈشى كېرەك. ئۇيغۇرلار ئۆزىنىڭ كىملىكىنى قوغداشتىن ئىبارەت ئاساسى ھەق ۋە ئەركىنلىكتىن تەڭ بەھىرلىنىشى كېرەك» دېدى.