ئالتىنئوق ئۇيغۇرلار ھەققىدە سۆز قىلدى

16- يانۋار كۈنى تۈركىيە كەچىئۆرەن شەھەرلىك ھۆكۈمىتىنىڭ باشلىقى ئالتىنئوق تىۋىتتېر ئارقىلىق خىتاينىڭ ئۇيغۇرلارغا قاراتقان زۇلۇملىرى ۋە ۋەھشىي مۇئامىلىسىگە قارشى ئىنكاس بىلدۈردى.
ئالتىنئوق مەزكۇر يازمىسىدا ھەر ۋاقىت ئۇيغۇرلارنىڭ يېنىدا تۇرىدىغانلىقىنى بىلدۈردى ۋە: «ئۇيغۇر تۈركلىرىنىڭ مەسىلىسى يىللاردىن بۇيان داۋاملىشىپ كېلىۋاتىدۇ. پۈتۈن دۇنيانىڭ كۆز ئالدىدىلا ئاسسىمىلياتسىيە سىياسىتى يۈرگۈزۈلۈۋاتىدۇ. خىتاي بۇ ئاسسىمىلياتسىيە سىياسىتىدىن، بۈگۈنگىچە ئۇيغۇرلارغا قىلىپ كەلگەن قىيىن-قىستاق ۋە زۇلۇملىرىدىن ۋاز كېچىشى كېرەك. ئۇيغۇرلارنىڭ پۈتۈن دۇنيا خەلقىگە ئوخشاش ھوقۇق ۋە قانۇن دائىرىسىدە ئىنساندەك ياشىشى ئۇلارنىڭ ئەڭ تەبىئىي ھوقۇقى. بىز ئاخىرغىچە ئۇيغۇرلارنىڭ يېنىدا بولىمىز» دېگەنلەرنى تەكىتلىدى.