- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
قوشماق تۇغقان سىياسىتىدە خىتايلارغا قانداق ۋەزىپىلەر يۈكلىنىدۇ؟
خىتاي 2017-يىلىنىڭ ئاخىرلىرىدىن باشلاپ ئاتالمىش «قوشماق تۇغقان» سىياسىتىنى يۈرگۈزۈپ، شەرقىي تۈركىستان خەلقى بىلەن خىتايلارنى مەجبۇرىي تۇغقان قىلىپ چېتىپ، شەرقىي تۈركىستان خەلقىنى ئائىلىسىدىمۇ نازارەت قىلىش مەقسىتىگە يەتكەن ئىدى.
بۈگۈن ئىجتىمائىي ئۇچۇر ۋاسىتىلىرىدا تارقالغان بىر سىندا شەرقىي تۈركىستاندىكى بىر خىتاي ئايال قوشماق تۇغقان سىياسىتىدە قانداق ۋەزىپىلەرنى ئىجرا قىلىدىغانلىقىنى كۆرسىتىپ ئۆتكەن. سىندىكى خىتاي ئايال ئاتالمىش «قوشماق تۇغقان» سىياسىتىگە ئاساسەن شەرقىي تۈركىستاننىڭ تۇمشۇق شەھىرىدىكى مەلۇم بىر ئائىلىدە قەرەللىك يېتىپ-قوپىدىغان بولۇپ، ئۆزىگە ئايرىلغان ئائىلىنى قەرەللىك نازارەت قىلغاندىن كېيىن، خىزمەت خاتىرىسى، كۈندىلىك دوكلاتلارنى يېزىپ، بەلگىلەنگەن جەدۋەللەرنى توشقۇزىدىكەن. بۇ جەدۋەلنىڭ بەزى جايلىرىنى يەنە شۇ ئائىلىدىكى ئۇيغۇرلارمۇ توشقۇزىدىغان بولۇپ، بەلگىلەنگەن جايغا ئىمزا قويۇپ ماڭىدىكەن. ۋەزىپە دوكلاتىغا يېتىپ-قوپۇۋاتقان خىتاي بىلەن ئۆي ئىگىسىنىڭ بىللە چۈشكەن تۇرمۇش سۈرەتلىرىنىمۇ چاپلاش تەلەپ قىلىنىدىكەن.
بۇندىن بۇرۇنمۇ بۇنىڭغا ئوخشىغان نۇرغۇنلىغان سىنلار تارقالغان بولۇپ، شەرقىي تۈركىستان خەلقىنىڭ ئاتالمىش «قوشماق تۇغقان» خىتايلار تەرىپىدىن 24 سائەت كۆزىتىلىدىغانلىقى، بۇ سىياسەت نەتىجىسىدە نۇرغۇن كىشىلەرنىڭ چوشقا گۆشى، ھاراق قاتارلىق ھارام نەرسىلەرنى يەپ-ئىچىشكە زورلانغانلىقى، ئەرلىرى ۋە دادىلىرى جازا لاگېرغا قامالغان قىز-ئاياللارنىڭ يات خىتايلار بىلەن بىر ئۆيدە تۇرۇشقا مەجبۇرلانغانلىقى ئاشكارىلانغان ئىدى.