- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
سېرىكجان بىلاشئوغلىنى نازارەت قىلىش مۇددىتى يەنە ئۇزارتىلدى
سېرىكجان بىلاشئوغلىنى نازارەت قىلىش مۇددىتى يەنە ئۇزارتىلدى
7-ئىيۇن قازاق خەۋەرلىرىدە بىلدۈرۈلۈشىچە، قازاقىستان پايتەختى نۇرسۇلتاندىكى بىر سوت مەھكىمىسى شەرقىي تۈركىستاندىكى قازاقلارنىڭ كىشىلىك ھوقۇق پائالىيەتچىسى، «ئاتايۇرت» جەمئىيىتىنىڭ رەئىسى سېرىكجان بىلاشئوغلىنى نازارەت قىلىش مۇددىتىنى يەنە بىر ئاي ئۇزارتقان.
خەۋەر قىلىشىچە، سېرىكجان بىلاشئوغلى 7-ئاينىڭ 10-كۈنىگە قەدەر نازارەت ئاستىدا تۇتۇپ تۇرۇلىدىكەن. سوت مەھكىمىسى ئالدىغا ئىنگلىزچە، رۇسچە، قازاقچە ۋە خىتايچە پىلاكاتلارنى كۆتۈرۈۋالغان نۇرغۇنلىغان كىشىلەر يىغىلىپ، سېرىكجاننى نازارەت ئاستىدا تۇتۇپ تۇرۇشقا قارشى شوئارلارنى توۋلىغان ۋە قويۇپ بېرىشنى تەلەپ قىلغان.
سېرىكجان بىلاشئوغلى شەرقىي تۈركىستاندىكى جازا لاگېرلىرىغا سەۋەبسىز قامالغان قازاقلارنىڭ ئائىلىسىنى گۇۋاھلىق بېرىشكە تەشكىللەپ، خىتاينىڭ شەرقىي تۈركىستان خەلقى ئۈستىدىن يۈرگۈزۈۋاتقان ئىرقىي قىرغىنچىلىق جىنايەتلىرىنى خەلقئاراغا پاش قىلىشتا مۇھىم رول ئوينىغان. قازاقىستان ھۆكۈمىتى خىتاينىڭ بېسىمى بىلەن سېرىكجان بىلاشئوغلىنى بۇ يىل 3-ئايدا «مىللىي ئۆچمەنلىككە قۇتراتقۇلۇق قىلىش» دېگەن تۆھمەت بىلەن ئەيىبلەپ، نازارەت ئاستىغا ئالغان ئىدى.