- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي ئەمەلدارى: يۇقىرى بېسىملىق سىياسەتنى بوشاشتۇرۇپ قويمايمىز
يېڭى شەپەق تورىنىڭ 21-دېكابىردىكى خەۋىرىدە بىلدۈرۈلۈشىچە، خىتاي كومپارتىيەسىنىڭ شەرقىي تۈركىستاندىكى تەشۋىقات بۆلۈمى مۇئاۋىن باشلىقى شۈ گۈيشاڭ بېيجىڭدىكى بىرلەشمە خەۋەر ئاگېنتلىقىنىڭ زىيارىتىنى قوبۇل قىلغاندا، مۇخبىرنىڭ شەرقىي تۈركىستاندىكى باستۇرۇشنى بوشىتىش-بوشاتماسلىق ھەققىدىكى سوئالىغا جاۋاب بېرىپ: «بىز يەنە سەل قارىساق بولمايدۇ، چۈنكى تەھدىتلەر ھازىرمۇ بار. تۆت يىل تېررورلۇقتىن خالىي بولۇش ھەرگىزمۇ خەتەر ۋە تەھدىتنىڭ تۈگىگەنلىكىنى بىلدۈرمەيدۇ» دەپ بىلجىرلىغان.
ئۇ يەنە شەرقىي تۈركىستاندىكى ئۇيغۇرلارنىڭ مەجبۇرىي ئەمگەككە سېلىنغانلىقى ھەققىدىكى خەۋەرلەرنىمۇ رەت قىلغان، شۇنداقلا 2014-يىلىدىن باشلاپ ئاتالمىش «تەربىيەلەش مەركەزلىرى»نىڭ ياردىمى بىلەن، 117 مىڭ كىشىنىڭ خىتاينىڭ باشقا رايونلىرىغا ئىشلىگىلى كەتكەنلىكىنى ئېيتىپ، خەلقئارا جەمئىيەتنى ئالداشقا ئۇرۇنغان.
شۈ گۈيشاڭ سۆزىدە يەنە ئامېرىكىنىڭ مەجبۇرىي ئەمگەك سەۋەبلىك شەرقىي تۈركىستاندىن ئىمپورت قىلىشنى چەكلىشى ھەققىدە توختىلىپ: «شىنجاڭدىكى شىركەتلەر ئامېرىكا بازىرى ياكى بەزى ئامېرىكا شىركەتلىرىدىن ئايرىلالمايدۇ، دەپ قارىماسلىق كېرەك» دېگەنلەرنى بىلدۈرگەن.