- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
خىتاينىڭ يەنە 58 شىركىتى ئامېرىكىنىڭ قارا تىزىملىكىگە چۈشۈپ قالدى
ئامېرىكا ئاۋازىنىڭ بۈگۈنكى خەۋىرىدە بىلدۈرۈلۈشىچە، ئامېرىكا سودا مىنىستىرلىكى ئېلان قىلغان ھەربىي تەرەپكە چېتىشلىق ئورۇنلارنىڭ تىزىملىكىگە خىتاينىڭ 58 شىركىتى كىرگۈزۈلگەن.
خەۋەردە قەيت قىلىنىشىچە، ئامېرىكا دۈشەنبە كۈنى خىتاي بىلەن رۇسىيەنىڭ ھەربىي قىسمى بىلەن مۇناسىۋەتلىك، دەپ قارالغان ئورۇنلىرىنىڭ تىزىملىكىنى ئېلان قىلغان بولۇپ، تىزىملىكتە 103 ئورۇن تىلغا ئېلىنغان. بۇنىڭ ئىچىدە 45ى رۇسىيەگە تەۋە، 58ى خىتاينىڭ ئىكەن. بۇ تىزىملىكنىڭ ئىچىدە خىتاي ئاۋىياتسىيە ئالەم قاتنىشى تېخنىكا تەتقىقات مەركىزى، خىتاي ئاۋىياتسىيە سانائىتى گۇرۇھى قارمىقىدىكى يەتتە ئورۇن ۋە خىتاي ئاۋىياتسىيە ماتورى ئىشلەپچىقىرىش گۇرۇھى قارمىقىدىكى سەككىز ئورۇن بار ئىكەن. ھەربىي تەرەپ بىلەن مۇناسىۋەتلىك بۇ شىركەتلەرنىڭ ئامېرىكا مەھسۇلاتلىرى ۋە تېخنىكىسىنى سېتىۋېلىشى چەكلىنىدىكەن.
ئامېرىكا سودا مىنىستىرلىكى خەۋىرىدە بىلدۈرۈلۈشىچە، ئېكسپورت قىلغۇچى سودىگەرلەر، ۋاسىتىلىك ئېكسپورت قىلغۇچىلار ۋە يۆتكىگۈچىلەر تىزىملىكتىكى ئورۇنلارغا مال ئېكسپورت قىلىش، ئۆتۈنۈپ بېرىش ياكى يۆتكەش ئۈچۈن ئىجازەت ئېلىشى كېرەك ئىكەن.
بىلدۈرۈلۈشىچە، خىتاي تاشقى ئىشلار مىنىستىرلىكى باياناتچىسى جاۋ لىجيەن بايانات ئېلان قىلىپ، ئامېرىكىنىڭ بۇ قارارىغا قەتئىي قارشى تۇرىدىغانلىقىنى بىلدۈرگەن.
ئامېرىكا يېقىندا يەنە خىتاينىڭ ئەڭ چوڭ ئۆزەك ئىشلەپچىقارغۇچى شىركىتى جۇڭشىن (SMIC) ۋە ئادەمسىز ئۇچقۇ ئىشلەپچىقىرىش شىركىتى داجياڭ (DJI) قاتارلىق ئون نەچچە خىتاي شىركىتىنى سودا قارا تىزىملىكىگە كىرگۈزگەن ئىدى.