- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
شەرقىي تۈركىستاندىن ياردەم تەلەپ قىلىنغان خەت كەلدى
16-نويابىر ئىجتىمائىي ئۇچۇر ۋاسىتىلىرىدا تارقالغان بىر پارچە ياردەم تەلەپ قىلىش خېتى كۈچلۈك غۇلغۇلا قوزغىدى.
مەلۇم بولۇشىچە، ئارسلان ئىسىملىك رۇس ياش خىتايدىن «The North Face» ماركىلىق ئاياغدىن بىرنى بۇيرۇتۇپ سېتىۋالغان ۋە ئاياغنى تاپشۇرۇپ ئالغاندا، ئىچىدىن بىر كىچىك قەغەزگە يېزىلغان ياردەم تەلەپ قىلىش خېتى چىققان. مەزكۇر ۋاراقچىدا: «قۇتقۇزۇۋېلىڭلار، مەن خىتاينىڭ تۈرمىسىدە، ئۇيغۇرلارنى قۇتقۇزۇۋېلىڭلار» دېگەن سۆزلەر ئىنگلىزچە يېزىلغان.
ئۇ بۇ خەتنى كۆرگەندىن كېيىن، دەرھال ئاياغنى ئەكېلىپ بەرگۈچى ۋە دۇكان ئىگىسى بىلەن ئالاقىلاشقان، لېكىن ھېچقانداق ئۇچۇرغا ئېرىشەلمىگەن. شۇنىڭ بىلەن ئۇ بۇ ياردەم خېتىنىڭ راستلىقىنى ۋە يازغان كىشىنىڭ ياردەمگە ئېھتىياجلىق ئىكەنلىكىنى كۆزدە تۇتۇپ، رۇسىيەدىكى «مويكا مەززىلىك تائاملىرى» ناملىق بىر تېلېگرام قانىلىدا تارقاتقان.
نۆۋەتتە بۇ خەتنى شەرقىي تۈركىستاندىكى جازا لاگېرلىرىغا چېتىشلىق خىتاي زاۋۇتلىرىدا مەجبۇرىي ئەمگەككە سېلىنىۋاتقان ئۇيغۇرلارنىڭ يازغانلىقى ئىلگىرى سۈرۈلمەكتە. خىتاي دائىرىلىرى ھەرخىل ئۇسۇللار بىلەن شەرقىي تۈركىستاندىكى جىنايى قىلمىشلىرىنى يوشۇرماقچى بولغان بولسىمۇ، بۇ خەتكە ئوخشاش ئاشكارىلىنىۋاتقان ئىسپاتلار خىتاينىڭ ھەقىقىي يۈزىنى دۇنياغا پاش قىلماقتا.