- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
خىتاي ۋىرۇسى جۇمھۇرىيەت كۈنىنى خاتىرىلەش پائالىيەتلىرىنى توسۇپ قالالمىدى
12-نويابىر شەرقىي تۈركىستان ۋەقفى ئىككى جۇمھۇرىيەت قۇرۇلغان خاتىرە كۈننى تەبرىكلەش مۇناسىۋىتى بىلەن شېھىتلەرنى ئەسلەش ۋە دۇئا قىلىش پائالىيىتى ئۆتكۈزدى. پائالىيەت شەرقىي تۈركىستان ۋەقفىنىڭ ھويلىسىدا ئۆتكۈزۈلگەن بولۇپ، شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخان باشچىلىقىدىكى بىر ھەيئەت تەكلىپ بىلەن قاتناشتى.
پائالىيەت ئاخىرلاشقاندىن كېيىن شەرقىي تۈركىستان تەشكىلاتلار بىرلىكى ھەيئىتى ساھىبخانلىق قىلغان شەرقىي تۈركىستان ۋەقفى مەسئۇللىرىغا كۆڭۈل سوۋغىلىرىنى ھەدىيە قىلدى.
بۇلاردىن سىرت تۈركىيەدىكى ئۇيغۇر ئۆسمۈرلىرىمۇ ئىككى جۇمھۇرىيەت قۇرۇلغان خاتىرە كۈننى ھەرخىل ئۇسۇلدا قىزغىن كۈتۈۋالدى. ئۇلار ئائىلىسىدىكىلەر بىلەن شەرقىي تۈركىستان مارشىنى ئوقۇش، شېھىتلەرگە ھۆرمەت بىلدۈرۈش، تېلېفون ئارقىلىق ئوقۇتقۇچىلىرىغا، ساۋاقداشلىرىغا سالام يوللاش، جۇمھۇرىيەت ئۈچۈن ئاتاپ يازغان شېئىر، يازمىلىرىنى دېكلاماتسىيە قىلىپ، ئىجتىمائىي تاراتقۇلاردا تارقىتىش ئارقىلىق جۇمھۇرىيەت بايرىمىنى تەبرىكلىدى.
بىر قىسىم پەرزەنتلەر يەنە شەرقىي تۈركىستان تەشكىلاتلار بىرلىكى ئىشخانىسىغا زىيارەتكە بېرىپ، ئۆز قوللىرى بىلەن ياسىغان، بايراق ۋە «شەرقىي تۈركىستان بىزنىڭ» دېگەن خەت بېسىلغان كىچىك پىلاكاتنى تەشكىلاتلار بىرلىكى رەئىسى ھىدايەتۇللاھ ئوغۇزخانغا ھەدىيە قىلدى.