- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
تىرامپ ئامېرىكىلىقلارنىڭ خىتاي ئارمىيەسىنى قوللايدىغان خىتاي شىركەتلىرىگە مەبلەغ سېلىشىنى چەكلىدى
ئامېرىكا ئاۋازىنىڭ بۈگۈنكى خەۋىرىدە بىلدۈرۈلۈشىچە، تىرامپ ھۆكۈمىتى 12-نويابىر مەمۇرىي بۇيرۇق چۈشۈرۈپ، ئامېرىكىلىقلارنىڭ خىتاي ئارمىيەسىنى قوللايدىغان خىتاي شىركەتلىرىگە مەبلەغ سېلىشىنى چەكلىگەن.
خەۋەردە قەيت قىلىنىشىچە، پىرېزىدېنت تىرامپ ئامېرىكىدىكى ھەر قانداق كىشىنىڭ «خىتاي ئارمىيەسىنىڭ ئىگىدارچىلىقىدا ياكى كونتروللۇقىدا» دەپ قارالغان خىتاي شىركەتلىرىگە مەبلەغ سېلىشىنى ئاشكارا چەكلىگەن بولۇپ، بۇ بۇيرۇق كېلەر يىلى 11-يانۋاردىن باشلاپ ئىجرا قىلىنىدىكەن. بۇ بۇيرۇق ئامېرىكا مەبلەغ سالغۇچىلىرىنىڭ خىتاينىڭ ئالاقىدار شىركەتلىرىنىڭ پاي چېكىنى ئېلىپ-سېتىشنى چەكلەپلا قالماي، بۇ شىركەتلەرگە چېتىشلىق ھەر قانداق پاي چېكىنى ئېلىپ-سېتىشنى ياكى ساقلاشنى چەكلەيدىكەن.
تىرامپنىڭ بىلدۈرۈشىچە، بۇ مەمۇرىي بۇيرۇق «ئامېرىكا خەلقئارا ئىقتىساد ۋە ئىقتىسادىي ھوقۇق قانۇنى» ۋە «دۆلەت جىددىي ئەھۋال قانۇنى» قاتارلىق قانۇنلارغا ئاساسەن چىقىرىلغان.
بۇ بۇيرۇق پىرېزىدېنت تىرامپنىڭ ئامېرىكا سايلىمىدىن كېيىن يولغا قويغان تۇنجى چوڭ سىياسىي تەشەببۇسى بولۇپ، ئامېرىكا بىلەن خىتاي ئوتتۇرىسىدىكى مۇناسىۋەتكە تېخىمۇ چوڭ تەسىر كۆرسىتىدىكەن. مەزكۇر مەمۇرىي بۇيرۇق 10-ئاينىڭ ئاخىرىدا جۇمھۇرىيەتچىلەر پارتىيەسىنىڭ كېڭەش پالاتا ئەزاسى ماركو رۇبىيو تاپشۇرغان قانۇن لايىھەسىنى ئاساس قىلغان بولۇپ، ئامېرىكا تەرىپىدىن قارا تىزىملىككە كىرگۈزۈلگەن خىتاي شىركەتلىرىنىڭ ئامېرىكا كاپىتال بازىرىغا كىرىشىنىڭ ئالدىنى ئالىدىكەن.