- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تۈركىيەدە «ئىككى جۇمھۇرىيەت» كۈنى ئۆزگىچە تەبرىكلەندى
بۇ يىل تۈركىيەدە ياشاۋاتقان شەرقىي تۈركىستان خەلقى ئىككى جۇمھۇرىيەت قورۇلغان ( 1933-يىلى قۇرۇلغان شەرقىي تۈركىستان ئىسلام جۇمھۇرىيىتى ۋە 1944- يىلى قۇرۇلغان شەرقىي تۈركىستان جۇمھۇرىيىتى) كۈنىنى ھەر خىل شەكىلدە قىزغىن كۈتۈۋالدى.
11 نويابىر شەرقىي تۈركىستان تەشكىلاتلار بىرلىكىدىكى ياشلار ئىستانبۇلنىڭ ئەييۇب سۇلتان، ئاۋجىلار، زەيتىنبۇرنۇ، سافا كۆي، مەرتەر قاتارلىق رايونلاردىكى ئادەم كۆپ ئورۇنلارغا ئىككى جۇمھۇرىيەت كۈنىنى تەبرىكلەپ پىلاكاتلىرىنى ئاستى. پلاكاتلاردا « 12- نويابىر ئىككى جۇمھۇرىيەت كۈنى (1933-يىلى قۇرۇلغان شەرقىي تۈركىستان ئىسلام جۇمھۇرىيىتى ۋە 1944- يىلى قۇرۇلغان شەرقىي تۈركىستان جۇمھۇرىيىتى) مۇبارەك بولسۇن!»دېگەن تەبرىك سۆزلىرى يېزىلغان ھەمدە ئىككى جۇمھۇرىيەتنىڭ رەئىسلىرى ۋە رەھبەرلىرى ۋە پېشقەدەملەرنىڭ رەسىملىرى چۈشۈرۈلگەن .
شەرقىي تۈركىستان سۇتۇق بۇغراخان ۋەقفى ئوقۇغۇچىلىرى ، شەرقىي تۈركىستان دۆلەت مارشىنى ئوقۇش، شەرقىي تۈركىستان خەلقىنىڭ قۇتلۇق كۈنىنى تەبرىكلەش، «غەلىبە بىزگە مەڭگۈ يار بولسۇن !»دېگەن پلاكاتنى چىقىرىپ، ئىككى جۇمھۇرىيەت بايرىمىمىزنى تەبرىكلىدى. نۇرغۇن شەخسلەر شەرقىي تۈركىستان مۇستەقىللىق كۈنىنى خاتىرىلەپ فېيسبۇك قاتارلىق ئىجتىمائىي ئۇچۇر ۋاسىتىلىرىنىڭ باش رەسىمىگە شەرقىي تۈركىستان بايرىقىنى چىقاردى.
خىتاي ۋىرۇسى سەۋەبلىك بىر ئورۇنغا يىغىلىپ، ئىككى جۇمھۇرىيەت قۇرۇلغان كۈنىنى تەبرىكلىيەلمىگەن بولسىمۇ ئەمما ئۆيلىرىنىڭ دېرىزىلىرىگە شەرقىي تۈركىستان بايرىقىنى چىقىرىش ئارقىلىق قۇتلۇق كۈننى تەبرىكلىدى. بىر قىسىم شەرقىي تۈركىستان خەلقى ئىجتىمائىي ئۇچۇر ۋاسىتىلىرىدا ، ئىككى جۇمھۇرىيەت كۈنىنى تەبرىكلەشكە مۇناسىۋەتلىك شېئىر، قىسقا يازما ۋە ئەقلىيە سۆزلەرنى ھەمبەھرىلەشتى.
