- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
لىتۋانىيەنىڭ يېڭى ھۆكۈمىتى تەيۋەننىڭ ئەركىنلىك تەرەپدارلىرىنى قوللاشقا ۋەدە بەردى
ئامېرىكا ئاۋازىنىڭ خەۋىرىدە بىلدۈرۈلۈشىچە، لىتۋانىيەنىڭ يېڭىدىن تەشكىللەنگەن ھۆكۈمىتى 9-نويابىر بىردەك قارارغا كېلىپ، تەيۋەن ئەركىنلىكى ئۈچۈن كۈرەش قىلغۇچىلارنى قوللايدىغانلىقى توغرىسىدا ۋەدە بەرگەن.
خەۋەردە قەيت قىلىنىشچە، خىتاي لىتۋانىيەدىكى ئاساسلىق پورتقا يوشۇرۇن مەبلەغ سالغۇچىلار قاتارىدىن بولۇپ، لىتۋانىيەنىڭ بۇ ھەرىكىتى خىتاي بىلەن بولغان مۇناسىۋىتىگە زىيان يەتكۈزۈشى مۇمكىن ئىكەن. خىتاينىڭ قارشى تۇرۇشى سەۋەبلىك، ياۋروپا ئىتتىپاقى ۋە ياۋروپا ئىتتىپاقىغا ئەزا دۆلەتلەر تەيۋەن بىلەن رەسمىي دىپلوماتىك مۇناسىۋەت ئورناتماي كەلگەن ئىدى.
لىتۋانىيەنىڭ ۋەتەن ئىتتىپاقى، ئەركىنلىك ھەرىكىتى پارتىيەسى ۋە ئەركىنلىك پارتىيەلىرىنىڭ رەھبەرلىرى بىرلىشىپ قۇرغان يېڭى ئىتتىپاق 25-ئۆكتەبىردىكى چوڭ سايلامدا غەلىبە قىلغان. يېڭى ھۆكۈمەت 9-نويابىر بايانات ئېلان قىلىپ: «بىز كىشىلىك ھوقۇق ۋە دېموكراتىك ئەركىنلىككە دەخلى-تەرۇز قىلىشقا قارشى تۇرىمىز. بېلارۇسىيەدىن تەيۋەنگىچە دۇنيانىڭ ھەرقايسى جايلىرىدا ئەركىنلىك ئۈچۈن كۈرەش قىلىدىغان كىشىلەرنى قوغدايمىز» دېگەن.
رويتېر ئاگېنتلىقىنىڭ خەۋىرىدە بىلدۈرۈشىچە، خىتاي ئەلچىخانىسى رويتېر ئاگېنتلىقىغا ئەۋەتكەن باياناتىدا «خىتاي-لىتۋانىيە مۇناسىۋىتىنىڭ نورمال تەرەققىياتىنى باشقا ئامىللار قالايمىقانلاشتۇرماسلىقى كېرەك. بۇ ھەر ئىككى دۆلەتنىڭ نېگىزلىك مەنپەئەتىگە زىت كېلىدۇ» دېگەن.
مەلۇم بولۇشىچە، لىتۋانىيە بىلەن خىتاي مۇناسىۋىتى يېقىنقى يىللاردا داۋالغۇپ تۇرغان. لىتۋانىيە پىرېزىدېنتى بىلەن پارلامېنت باشلىقى 2013-يىلى تىبەت سۈرگۈندە ھۆكۈمىتىنىڭ مەنىۋى داھىيسى دالاي لاما بىلەن كۆرۈشكەن. بۇ ۋەقە خىتاينىڭ ئۆچ ئېلىشىنى كەلتۈرۈپ چىقارغان ۋە ئىككى تەرەپنىڭ مۇناسىۋىتى ئىككى يىلدىن كۆپرەك ۋاقىت توختاپ قالغان ئىدى.