- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي كونىشەھەر ناھىيەسىدە يەنە يادرو كىسلاتاسى تەكشۈرۈشىنى باشلىدى
ئاتالمىش «شىنجاڭ خەۋەرلىرى» گېزىتىنىڭ بۈگۈنكى خەۋىرىدە بىلدۈرۈلۈشىچە، خىتاي دائىرىلىرى يەنە قەشقەر ۋىلايىتى كونىشەھەر ناھىيەسىدە بارلىق خىزمەتچىلەرنى تەشكىللەپ، تۆتىنچى باسقۇچلۇق يادرو كىسلاتاسى تەكشۈرۈشىنى باشلىغان.
بىلدۈرۈلۈشىچە، ئەۋرىشكە ئالغۇچى خادىملارغا قاتتىق تەلەپ قويۇلغان بولۇپ، تەكشۈرگۈچىلەر ئىسمېنا قوشۇپ ئىشلەپ تەكشۈرۈشكە باشلىغان. 4-نويابىر كونىشەھەر ناھىيەسى بۇلاقسۇ بازىرى كەنت ئاھالىلىرى كەنت ئەمەلدارلىرىنىڭ بۇيرۇقى بىلەن كۈتۈش رايونىغا تۈركۈم-تۈركۈملەپ تىزىلغان. ئۆچرەتتە تۇرۇش داۋامىدا ماسكا تاقاش، ئارىلىق ساقلاش، يادرو كىسلاتا ئەۋرىشكىسى ئالىدىغان خادىملار بىلەن ھەمكارلىشىش تەلەپ قىلىنغان.
يادرو كىسلاتاسى ئەۋرىشكىسى ئېلىشقا مەسئۇل چىمەنگۈل مەمەت مۇخبىرغا بۇلاقسۇ بازىرى دەيسۇ كەنتىگە تەۋە 11 گۇرۇپپىدا 2790 كىشىدىن يادرو كىسلاتاسى ئەۋرىشكىسى ئېلىش ۋەزىپىسى بارلىقىنى، شۇڭا ئىسمېنا قوشۇپ ئىشلەۋاتقانلىقىنى ئېيتقان.
مەلۇم بولۇشىچە، قەشقەر ۋىلايەتلىك ئىككىنچى خەلق دوختۇرخانىسى ۋە ئاتالمىش ئاپتونوم رايونلۇق خەلق دوختۇرخانىسىنىڭ يادرو كىسلاتاسىنى تەكشۈرۈش خادىملىرى 23 كىشىلىك گۇرۇپپا تەشكىللەپ، ئىككى نۆۋەت بىلەن يادرو كىسلاتاسىنى تەكشۈرۈش خىزمىتىگە ئەۋەتكەن. قەشقەردىكى ئىككىنچى خەلق دوختۇرخانىسىدا 10 يۈرۈش يادرو كىسلاتاسى تەكشۈرۈش ئەسۋابى ۋە يادرو كىسلاتاسىنى كۈچەيتىش ئەسۋابى تولۇق ئىشقا كىرىشتۈرۈلگەن.