- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
ئاتالمىش «شىنجاڭ سىياسىي مەسلىھەت كېڭىشى مىللەت ۋە دىن كومىتېتى» مۇدىرى تۇرغان پىدا تەكشۈرۈلمەكتە
خىتاي خەۋەر مەنبەلىرىنىڭ 1-نويابىردىكى خەۋىرىدە ئاشكارىلىنىشىچە، ئاتالمىش «ئۇيغۇر ئاپتونوم رايونلۇق سىياسىي كېڭەش مىللەت ۋە دىن كومىتېتى»نىڭ مۇدىرى، قورچاق ئەمەلدار تۇرغان پىدا ئىنتىزامغا خىلاپلىق قىلىش گۇمانى بىلەن، ئاتالمىش «ئاپتونوم رايونلۇق» ئىنتىزام تەكشۈرۈش كومىتېتى، رېۋىزىيە كومىتېتى تەرىپىدىن تەكشۈرۈلۈشكە باشلىغان.
تۇرغان پىدا 1960-يىلى غۇلجىدا تۇغۇلغان. 1985-يىلى خىتاي كومپارتىيەسىگە كىرگەن. 1996-يىلى 12-ئايدىن 1997-يىلى 9-ئايغىچە قورغاس ناھىيەسىنىڭ ھاكىمى، 1998-يىلى 7-ئايدىن 2004-يىلى 2-ئايغىچە غۇلجىنىڭ شەھەر باشلىقى، 2007-يىلى 11-ئايدىن 2008-يىلى 1-ئايغىچە ئىلى ئوبلاستىنىڭ مۇئاۋىن ئوبلاست باشلىقى، 2008-يىلى 2-ئايدىن 2017-يىلى 11-ئايغىچە ئاتالمىش «ئاپتونوم رايونلۇق» مىللەت ۋە دىن ئىشلىرى كومىتېتىنىڭ مۇدىرى،2017-يىلى 11-ئايدىن 2018-يىلى 1-ئايغىچە ئاتالمىش «ئاپتونوم رايونلۇق ھۆكۈمەت»نىڭ مۇئاۋىن باش كاتىپى، 2018-يىلى 1-ئايدىن باشلاپ، «ئاپتونوم رايونلۇق» سىياسىي كېڭەش مىللەت ۋە دىن ئىشلىرى كومىتېتىنىڭ مۇدىرى قاتارلىق ۋەزىپىلەرنى ئۆتىگەن.