- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
ۋال كوچىسى گېزىتى: دۇنيا سودا تەشكىلاتى خىتاينى ئۆزگەرتەلمىدى
ۋال كوچىسى گېزىتىنىڭ 22-ئۆكتەبىردىكى خەۋىرىدە دۇنيا سودا تەشكىلاتىنىڭ خىتاينىڭ ئۆزگەرتىشكە قادىر بولالمىغانلىقى، بۇ سەۋەبلىك ئامېرىكىنىڭ باشقىچە يول تۇتقانلىقى كۆرسىتىپ ئۆتۈلگەن.
خەۋەردە بىلدۈرۈلۈشىچە، دونالد تىرامپ 2018-يىلى خىتاي تاۋارلىرىغا يۇقىرى دەرىجىدە تاموژنا بېجى قويغاندىن كېيىن، خىتاينىڭ سودا شېرىكلىرى دۇنيا سودا تەشكىلاتىغا ئەرز قىلغان. ئالدىنقى ئايدا دۇنيا سودا تەشكىلاتىنىڭ بىر مۇتەخەسسىسلەر ھەيئىتى خىتاينى قوللاپ قارار چىقىرىپ، ئامېرىكىنىڭ كۆپ قىسىم تاموژنا بېجىنىڭ تەشكىلات قائىدىسىگە خىلاپ ئىكەنلىكىنى ئېلان قىلغان.
خەۋەردە ئېيتىلىشىچە، خىتاينىڭ بۇ غەلىبىسى قۇرۇق غەلىبە بولۇپ، يۇقىرىدا تىلغا ئېلىنغان بۇ ھۆكۈمگە قارشى نارازىلىق ئەرزى سۇنۇشقا بولىدىكەن. بۇ ئەرز سۇنىدىغان ئورگان دۇنيا سودا تەشكىلاتىنىڭ ئالىي سوت مەھكىمىسىگە باراۋەر بولسىمۇ، ئەمما ئامېرىكا يېڭى ئەزالارنىڭ ۋەزىپىگە تەيىنلىنىشىنى چەكلىگەنلىكى ئۈچۈن، بۇ ئورگان ھازىر نورمال خىزمەت قىلالمايدىكەن. شۇڭلاشقا ئامېرىكا-خىتاي مۇناسىۋىتىنى بەلگىلەيدىغىنى دۇنيا سودا تەشكىلاتى ئەمەس، بەلكى ئىككى تەرەپ 1-ئايدا ھاسىل قىلغان «بىرىنچى باسقۇچلۇق سودا كېلىشىمى» ئىكەن.
خەۋەردە بۇ نەتىجىلەرنىڭ تىرامپ ھۆكۈمىتى 2017-يىلى ھاكىمىيەت بېشىغا چىققاندىن بۇيان ئىزچىل كۈتۈۋاتقان ئامېرىكىنىڭ سودا سىياسىتىنى ئۆزگەرتىش خىيالىنىڭ ئەمەلگە ئاشقانلىقىنى كۆرسىتىپ بېرىدىغانلىقى بىلدۈرۈلگەن.