- چوڭ ھەجىملىك ئەسەر «تەپسىر جەۋھەرلىرى» نەشردىن چىقتى
- خىتاي ئۈرۈمچىدە ئىشغالىيەت تارىخىنى بۇرمىلايدىغان مەخسۇس يىغىن ئۆتكۈزدى
- خىتايدا قانلىق ھۇجۇملار كۆپىيىپ، ئاممىۋى بىخەتەرلىك تەدبىرلىرى جىددىي كۈچەيتىلگەن
- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
خىتاي ئەلچىسى كانادانى خوڭكوڭ نامايىشچىلىرىنى قوبۇل قىلىشتىن ئاگاھلاندۇردى
فىرانسىيە ئاۋازىنىڭ بۈگۈنكى خەۋىرىدە بىلدۈرۈلۈشىچە، خىتاينىڭ كانادادا تۇرۇشلۇق باش ئەلچىسى سوڭ پېيۋۇ كانادا ھۆكۈمىتىنى خوڭكوڭ دېموكراتىيەسىنى قوللايدىغان نامايىشچىلارغا پاناھلىق بېرىشتىن ئاگاھلاندۇردى.
خەۋەردە قەيت قىلىنىشىچە، سوڭ پېيۋۇ پەيشەنبە كۈنى خىتاي بىلەن كانادا ئوتتۇرىسىدا دىپلوماتىك مۇناسىۋەت ئورنىتىلغانلىقىنىڭ 50 يىللىقى مۇناسىۋىتى بىلەن ئۆتكۈزۈلگەن ئاخبارات ئېلان قىلىش يىغىنىدا، ئۆتكەن يىلى خوڭكوڭدا نامايىشقا قاتناشقان خوڭكوڭلۇق بىر جۈپ ئەر-ئايالنىڭ پاناھلىق تىلىگەنلىكى توغرىسىدا بۇ سۆزنى قىلىپ: «بىز كانادا ھۆكۈمىتىنىڭ خوڭكوڭدىكى بۇ زوراۋان جىنايەتچىلەرگە سىياسىي پاناھلىق بەرمەسلىكىنى تەلەپ قىلىمىز. چۈنكى بۇ مەسىلىلەر خىتاينىڭ ئىچكى ئىشلىرىغا ئارىلاشقانلىق. بۇ خىل پاناھلىق بېرىش پەقەت زوراۋان جىنايەتچىلەرنى تېخىمۇ كۆپەيتىدۇ» دېگەن.
ئۇ سۆزىدە يەنە ئەگەر كانادا خوڭكوڭنىڭ گۈللىنىشى ۋە مۇقىملىقىغا، خوڭكوڭدىكى 300 مىڭ كانادا پۇقراسىنىڭ سالامەتلىكى ۋە بىخەتەرلىكىگە ھەقىقىي كۆڭۈل بۆلمەكچى ھەمدە خوڭكوڭدا پائالىيەت قىلىۋاتقان نۇرغۇن كانادا شىركەتلىرىنى قوغدىماقچى بولسا، ئۇنداقتا خىتاينىڭ خوڭكوڭدىكى بۇ زوراۋانلىق جىنايى قىلمىشلىرىغا قارشى تۇرۇش مەيدانىنى قوللىشى كېرەكلىكىنى بىلدۈرگەن.
كانادا تاشقى ئىشلار مىنىستىرى شامپېين سوڭ پېيۋۇنىڭ سۆزىگە دەرھال ئىنكاس قايتۇرۇپ، خىتاي باش ئەلچىسىنىڭ سۆزىنىڭ پۈتۈنلەي قوبۇل قىلغىلى بولمايدىغان ۋە پاراكەندىچىلىك سالىدىغان سۆزلەر ئىكەنلىكىنى، بۇ ئىككى دۆلەت ئوتتۇرىسىدىكى زىددىيەتنىڭ كۈچىيىۋاتقانلىقىنى كۆرسىتىپ بېرىدىغانلىقىنى بىلدۈرگەن.