- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتايلارنى شەرقىي تۈركىستانغا يەرلەشتۈرۈش سىياسىتى داۋاملاشماقتا
ئىجتىمائىي ئۇچۇر ۋاسىتىلىرىدا تارقالغان سىنلاردىن مەلۇم بولۇشىچە، شەرقىي تۈركىستانغا كېلىپ يەرلەشكەن خىتايلارنىڭ ئۆزلىرىگە بېرىلگەن ھەقسىز ئۆي، ھەقسىز يەر، يۇقىرى مائاشلىرىنى توختىماستىن تەشۋىقات قىلىشى خىتاي ئۆلكىلىرىدە ياشاۋاتقان خىتايلارنىڭ شەرقىي تۈركىستانغا كېلىپ يەرلىشىشىنى تېزلەتمەكتە.
خىتاي دائىرىلىرى يېقىنقى يىللاردىن بېرى شەرقىي تۈركىستان خەلقىنىڭ بىر قىسمىنى ھەرخىل يالغان جىنايەتلەر بىلەن قارىلاپ لاگېرلارغا، تۈرمىلەرگە سولىدى. يەنە بىر قىسمىنى بولسا قېرى-ياش دەپ ئايرىماستىن، «نامراتلىقتىن قۇتۇلدۇرۇش» نامىدا خىتاي ئۆلكىلەرگە مەجبۇرىي سۈرگۈن قىلىپ، قۇل ئورنىدا ئىشلەتتى. شۇنىڭ بىلەن بىر ۋاقىتتا ئۇلارنىڭ ئورنىغا خىتايلارنى يۆتكەپ ئەكېلىپ يەرلەشتۈرۈش ئارقىلىق شەرقىي تۈركىستاننى پۈتۈنلەي خىتاي زېمىنى قىلىش پىلانىنى ئىجرا قىلماقتا.
بۈگۈن ئىجتىمائىي ئۇچۇر ۋاسىتىلىرىدا تارقالغان سىنلاردا يېڭىدىن كۆچۈپ كەلگەن بىر قىسىم خىتايلارنىڭ شەرقىي تۈركىستاندىكى يېڭى ئۆيىگە يۈك-تاقىسىنى توشۇۋاتقانلىقى، يەنە بەزى خىتايلارنىڭ ئۆزلىرىگە ئايرىپ بېرىلگەن ئۆي ۋە ئېتىزلارنى كۆز-كۆز قىلىۋاتقان كۆرۈنۈشلىرى كۆرسىتىلگەن.
خىتاي يېقىنقى تۆت يىل جەريانىدا بۇ خىل يۇقىرى تەمىناتلار بىلەن خىتايلارنى شەرقىي تۈركىستاننىڭ ھەرقايسى جايلىرىغا يۆتكەپ كەلمەكتە. لېكىن ھازىرغىچە شەرقىي تۈركىستانغا قانچىلىك خىتاينىڭ يەرلەشكەنلىكى نامەلۇم بولماقتا.