- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
پاكىستان خەلقى پەيغەمبىرىمىزنى ھاقارەتلىگەن فىرانسىيەگە نارازىلىق بىلدۈردى
پاكىستان خەلقى پەيغەمبىرىمىزنى ھاقارەتلىگەن فىرانسىيەگە نارازىلىق بىلدۈردى
3-سېنتەبىر پاكىستان ۋە بېنگال مۇسۇلمانلىرى فىرانسىيەنىڭ سىياسىي ساتىرا ژۇرنىلى «چارلى ھېبدو»نىڭ پەيغەمبىرىمىز مۇھەممەد ئەلەيھىسسالامنى تېما قىلغان ھاقارەتلىك ھەجۋىي رەسىملەرنى قايتا نەشر قىلغانلىقىغا قارشى نارازىلىق بىلدۈردى.
نامايىشتا فىرانسىيە بايرىقى كۆيدۈرۈلۈپ، مەزكۇر فىرانسىيە ژۇرنىلىنىڭ قايتا نەشر قىلىنىپ، دۇنيا مۇسۇلمانلىرىغا ھاقارەت قىلغانلىقىنى ئەيىبلىدى ھەمدە فىرانسىيەنىڭ بۇ ژۇرنالنى دەرھال ئەمەلدىن قالدۇرۇشنى تەلەپ قىلدى. نامايىشچىلار پاكىستان ھۆكۈمىتى ۋە بارلىق ئىسلام ئەللىرىنى فىرانسىيە مېلىنى بايقۇت قىلىشقا چاقىردى.
دۇنيا مۇسۇلمان ئالىملار بىرلىكىنىڭ باش كاتىپى ئەلى مۇھىددىن ئەل قاراداغى «چارلى ھېبدو» ژۇرنىلىنىڭ بۇ قىلمىشىغا نارازىلىق بىلدۈرۈپ، فېيسبۇك ھېسابىدا بايانات ئېلان قىلدى.
قاراداغى باياناتىدا: «بىز جاھالەتكە جاھالەت بىلەن جاۋاب قايتۇرمايمىز. بۇ ژۇرنالمۇ ۋە ئۇنىڭ باشقۇرغۇچىلىرىمۇ پەيغەمبىرىمىزنىڭ تاپىنىغا قونغان توپا-چاڭچىلىق قىممەتكە ئېرىشەلمەيدۇ» دېگەنلەرنى بىلدۈردى.
ئۇ باياناتىدا مۇسۇلمانلارنىڭ يامانلىقنىڭ ئەمەس، پىكىرلەرنىڭ قوغدىغۇچىلىرى ئىكەنلىكىنى تەكىتلەپ: «بىز بارلىق مۇقەددەس ئۇقۇملارغا چېقىلىشقا بولمايدىغانلىقىغا ئىشىنىمىز. ياخشىلىق، ئادالەت ۋە ئەركىنلىكنىڭ ئۆگەتكۈچىسى بولغان پەيغەمبىرىمىز ھەزرىتى مۇھەممەد ئەلەيھىسسالامغا ھاقارەت قىلغانلار ئەخلاقسىز ۋە نومۇسسىزلاردۇر» دېدى.
مەزكۇر ژۇرنال 2015-يىلى 1-ئايدا ھەزرىتى مۇھەممەد ئەلەيھىسسالام ھەققىدە ھاقارەتلىك ھەجۋىي رەسىملەرنى ئېلان قىلىپ، ئىسلام ئەللىرىنىڭ قاتتىق نارازىلىقىغا ئۇچرىغان ۋە قانلىق «چارلى ۋەقەسى»نىڭ يۈز بېرىشىگە سەۋەبچى بولغان ئىدى.