- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئامېرىكىدىكى ئۇيغۇرلار پىرېزىدېنت ترامپقا رەھمەت ئېيتقان
ئامېرىكىدىكى ئۇيغۇرلار پىرېزىدېنت ترامپقا رەھمەت ئېيتقان
21-ئىيۇن ئامېرىكا پايتەختى ۋاشىنگتون ۋە ئەتراپتىكى شەھەرلەردىن كەلگەن ئۇيغۇرلار ئاقسارايغا يىغىلىپ پىرېزىدېنت ترامپنىڭ «ئۇيغۇر كىشىلىك ھوقۇق سىياسىتى قانۇنى» غا ئىمزا قويغانلىقىغا بولغان رەھمىتىنى بىلدۈرگەن.
ترامپ ماقۇللىغان «ئۇيغۇر كىشىلىك ھوقۇق سىياسىتى قانۇنى» خىتاينىڭ ئۇيغۇر ھەمدە بارلىق شەرقىي تۈركىستان خەلقىگە يۈرگۈزۈۋاتقان قىرغىن قىلىش، شەرقىي تۈركىستاندا تەسىس قىلىنغان لاگېر سىياسەتلىرىدە قولى بار خىتاي ئەمەلدارلىرىنى جازالاش ھەققىدىكى مەزمۇنلارنى ئۆز ئىچىگە ئالىدۇ. مەزكۇر قانۇننى تەستىقلىغان ئامېرىكا پىرېزىدېنتى ترامپقا رەھمىتىنى بىلدۈرۈش ئۈچۈن توپلانغان ئۇيغۇرلار ئامېرىكا پىرېزىدېنتى دونالد ترامپنىڭ تۇرالغۇسى-ئاقساراي ئالدىكى چۆپلۈكتە ياڭراتقۇ ئارقىلىق«پىرېزىدېنتقا رەھمەت!»، «ئامېرىكا خەلقىگە رەھمەت !»، « ئامېرىكا دۆلەت مەجلىسى رەھمەت» دېگەندەك شوئارلارنى توۋلاپ، ئامېرىكا ۋە ئامېرىكا خەلقىگە بولغان مىننەتدارلىقىنى ئىپادىلىگەن.
پائالىيەتتە يەنە خىتاي تاجاۋۇزچىلىرىنىڭ شەرقىي تۈركىستان خەلقى ئۈستىدىن يۈرگۈزۈۋاتقان باستۇرۇش ۋە قىرغىن قىلىش سىياسەتلىرىنى، خىتاي ھۆكۈمىتىنىڭ 2017-يىلىدىن بۇيان مىليوندىن 3 مىليونغىچە شەرقىي تۈركىستان خەلقىنى لاگېرىغا تاشلىغانلىقىنى لەنەتلىگەن.