- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي 200 مىڭ كىشىنى سۈرگۈن قىلىشنى پىلانلىدى
خىتاي 200 مىڭ كىشىنى سۈرگۈن قىلىشنى پىلانلىدى
تەڭرىتاغ تورىنىڭ 12-ئىيۇندىكى خەۋىرىدە بىلدۈرۈلۈشىچە، ئاتالمىش ئۇيغۇر ئاپتونوم رايونى دائىرىلىرى ھەرىكەت لايىھەسىنى ئوتتۇرىغا قويۇپ، بىناكارلىق-قۇرۇلۇش ساھەسى بويىچە ئاتالمىش «يېڭىدىن ئىشقا ئورۇنلاشتۇرۇش ھەرىكىتى» نامىدا ئۈچ يىل ئىچىدە 200 مىڭ كىشىنى يۇرتلىرىدىن سۈرگۈن قىلىشنى پىلانلىغان.
بىلدۈرۈلۈشىچە، ھەرىكەت لايىھەسىگە ئاساسەن 2020-يىلىدىن 2022-يىلىغىچە بىناكارلىق-قۇرۇلۇش ساھەسىدە 200 مىڭ كىشىنى «يېڭىدىن ئىشقا ئورۇنلاشتۇرۇش» پىلانلانغان بولۇپ، 2020-يىلى 50 مىڭ كىشى، 2021-يىلى 70 مىڭ كىشى، 2022-يىلى 80 مىڭ كىشى بويىچە ئىجرا قىلىنىدىكەن. بۇلاردىن سىرت يەنە 250 مىڭ ئادەم قېتىم ئىشقا ئورۇنلاشتۇرۇش بويىچە تەربىيەلەش پىلانلىغان.
ھەرىكەت لايىھەسىگە ئاساسەن ئاتالمىش ئۇيغۇر ئاپتونوم رايونى بىناكارلىق-قۇرۇلۇش تۈرىدىكى مەكتەپلەردە بىردىن ئىككىگىچە ئوقۇتقۇچى تەربىيەلەش بازىسىنى قۇرۇپ چىقىش، ھەرقايسى ۋىلايەت (ئوبلاست، شەھەر)لەر بىردىن ئىككىگىچە ئەمەلىي مەشىق ئۈلگە بازىسى قۇرۇپ چىقىشنى ئىشقا ئاشۇرۇش پىلانلانغان.
خىتاي ئاتالمىش «ئىشقا ئورۇنلاشتۇرۇش» نامىدىكى سۈرگۈن قىلىش ھەرىكىتىدە شەرقىي تۈركىستاننىڭ جەنۇبىدىكى قەشقەر ۋىلايىتى، خوتەن ۋىلايىتى، ئاقسۇ ۋىلايىتى، قىزىلسۇ قىرغىز ئاپتونوم ئوبلاستى قاتارلىق ئۇيغۇرلار توپلىشىپ ئولتۇراقلاشقان ئاساسلىق رايونلارنى مۇھىم نۇقتا قىلغان.
خىتاي دائىرىلىرى مەزكۇر ھەرىكىتىنى بىناكارلىق-قۇرۇلۇش كارخانىسى، ئەمگەك ھەمكارلىق كوپىراتىپى، ئەمگەك كۈچى ئەۋەتكۈچى شىركەت قاتارلىقلارغا تايىنىپ، تەشكىللىك، پىلانلىق ھالدا ئىجرا قىلىشنى پىلانلىغان.