- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
پاكىستاندىكى خىتايغا قارشى كەيپىيات بىر بەلباغ بىر يول پىلانىغا تەسىر كۆرسىتەمدۇ؟
ب ب س خەۋەر تورىنىڭ خىتايچە بۆلۈمى تۈنۈگۈن ئېلان قىلغان دوكلاتتا يېقىندا پاكىستان ئاخباراتلىرىدا قىزىق نۇقتىغا ئايلانغان خىتايغا ئالاقىدار ۋەقەلەرنىڭ بىر بەلباغ بىر يول پىلانىغا تەسىر كۆرسىتىش مۇمكىنچىلىكى كۆرسىتىلگەن.
دوكلاتتا بىلدۈرۈلۈشىچە، يېقىنقى نەچچە كۈن ئىچىدە يۈز بەرگەن پاكىستاندىكى خىتاي مېھمانخانىسىنىڭ ھۇجۇمغا ئۇچراش ۋەقەسى نۇقتىلىق ھالدا خىتايغا قارشى پىلانلانغان. گەرچە خىتاي ۋە پاكىستان تاراتقۇلىرى مېھمانخانىدىكى خىتايلارنىڭ ئامان-ئېسەن قالغانلىقىنى ئېيتقان بولسىمۇ، ئەمما ھەرىكەتنى پىلانلىغان بەلۇجىستان ئازادلىق ئارمىيەسى قوراللىق ھۇجۇم نەتىجىسدە بىر قىسىم خىتايلارنىڭ ئۆلگەنلىكىنى ئېلان قىلغان.
مەزكۇر تەشكىلات يەنە ئالدىنقى يىلى يۈز بەرگەن خىتاي ئەلچىخانىسىغا ھۇجۇم قىلىش ۋەقەسىنى پىلانلىغان بولۇپ، خىتاينىڭ سودا قۇرۇلۇشلىرىدىن پاكىستانغا كۆپ مەنپەئەت كەلمەيدىغانلىقىنى، ئاساسلىق مەنپەئەتلەنگۈچىنىڭ يەنىلا خىتاي ئىكەنلىكىنى، شۇڭا ئۇلارنىڭ بۇ يەردە قارشى ئېلىنمايدىغانلىقىنى تەكىتلەپ كەلگەن.
بۇنىڭدىن سىرت يېقىندا ئاشكارىلانغان خىتاينىڭ پاكىستانلىق قىزلارنى ئالداپ ئاپىرىپ، خىتاي ئۆلكىلىرىدىكى پاھىشخانىلارغا سېتىۋېتىش جىنايەتلىرى خىتاينىڭ پاكىستان خەلقى نەزىرىدىكى ئوبرازىغا قاتتىق تەسىر يەتكۈزگەن.
مۇتەخەسسىسلەر بۇ بىر قىسىم ۋەقەلەرنىڭ خىتاي-پاكىستان ھەمكارلىقىغا تەسىر يەتكۈزۈش مۇمكىنچىلىكىنى ئېيتقان بولسىمۇ، ئەمما ب ب س قانىلى ئوردۇچە بۆلۈمىنىڭ مۇخبىرى رەفقەت ئەلى خىتاي ئىقتىسادىي كارىدورىنىڭ پاكىستان ئۈچۈن ئىنتايىن مۇھىم ئىكەنلىكىنى، شۇڭا بۇ ۋەقەلەرنىڭ ئىككى دۆلەت ئارىسىدىكى كۈچلۈك ھەمكارلىقنى ئالدىراپ تەۋرىتەلمەيدىغانلىقنى بىلدۈرگەن.