- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
نۇزۇگۇم جەمئىيىتى رامىزاننىڭ 8-كۈنىنى «يېتىملەر ئىپتار كۈنى» قىلىپ بېكىتتى
13-ماي شەرقىي تۈركىستان نۇزۇگۇم كۈلتۈر ۋە ئائىلە جەمئىيىتى ئىستانبۇل سەفاكۆيدە ئىپتار پائالىيىتى ئۆتكۈزۈپ، ھەر يىلى رامىزاننىڭ 8-كۈنىنى «يېتىملەر ئىپتار كۈنى» قىلىپ بېكىتكەنلىكىنى ئېلان قىلدى.
ئىپتارلىق پائالىيەت قۇرئان كەرىم تىلاۋىتى بىلەن باشلانغاندىن كېيىن، شەرقىي تۈركىستان مائارىپ ۋە ھەمكارلىق جەمئىيىتى باش كاتىپى ئابدۇلئەھەد ئابدۇراھمان ئەپەندى ئېچىلىش سۆزى قىلدى.
شەرقىي تۈركىستان نۇزۇگۇم كۈلتۈر ۋە ئائىلە جەمئىيىتى رەئىسى مۇنەۋۋەر ئۆزئۇيغۇر خانىم سۆزگە چىقىپ، جەمئىيەتنىڭ ھەر يىلى رامىزاننىڭ 8-كۈنىنى يېتىملەرگە ئىپتار بېرىش كۈنى قىلىپ بېكىتكەنلىكىنى، بۇ پائالىيەتنىڭ دۇنيانىڭ ھەرقايسى جايلىرىدىكى نۇزۇگۇم جەمئىيىتىنىڭ ئەزالىرى ۋە نۇزۇگۇمنى قوللاۋاتقان قېرىنداشلار ئارىسىدا ئۆتكۈزۈلىدىغانلىقىنى، خەلقىمىزنىڭ بۇ پائالىيەتنى قوللاپ-قۇۋۋەتلىشىنى ئۈمىد قىلىدىغانلىقىنى بىلدۈردى.
