- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
خىتاي شەرقىي تۈركىستاندىكى كەنتلەردە «قانۇن ئىشخانىسى» تەسىس قىلغان
ئاتالمىش «شىنجاڭ گېزىتى»نىڭ خەۋىرىدىن مەلۇم بولۇشىچە، خىتاي ئالدىنقى يىلى شەرقىي تۈركىستاندىكى 11577 كەنت ۋە مەھەللىدە ئاتالمىش «قانۇن مۇلازىمەت ئىشخانىسى» قۇرغان.
«ئاممىۋى قانۇن مۇلازىمەت ئىشخانىسى» نامىدىكى بۇ خىل ئەدلىيە تارماقلىرىنىڭ پۈتكۈل رايوننى قاپلىغانلىقى، ھەر بىر كەنت ۋە مەھەللىدە بىردىن ئاتالمىش «قانۇن مەسلىھەتچىسى» بولۇش تەلىپىگە ئاساسەن شەرقىي تۈركىستاندىكى 12043 كەنت ۋە مەھەللىدە قانۇن مەسلىھەتچىسى بولۇشنى ئىشقا ئاشۇرغانلىقى ئېلان قىلىنغان. بىراق بۇ ئىشخانىلارنىڭ كونكرېت خىزمەت ئەھۋالى ئاشكارىلانمىغان.
ئىلگىرى خىتاي خەۋەر مەنبەلىرىدە كەنتلەردە سوتخانىلارنىڭ قۇرۇلۇپ، دەۋا-دەستۇرلارنىڭ ئۆز جايىدا ھەل قىلىنىپ، نورمال سوت مەھكىمىلىرىگە كېلىشىنىڭ ئالدى ئېلىنىدىغانلىقى، 2019-يىلى بۇ خىل سوتخانىلارنىڭ 83 مىڭ دەۋا-دەستۇرنى بىر تەرەپ قىلغانلىقى ئىلگىرى سۈرۈلگەن.
كۆزەتكۈچىلەر خىتاينىڭ ئاتالمىش «ئاممىۋى قانۇن مۇلازىمىتى ئىشخانىلىرى» ئارقىلىق شەرقىي تۈركىستان خەلقىگە قارىتىلغان باستۇرۇش سىياسەتلىرىنى خەلقئارا جەمئىيەتكە بىلدۈرمەستىن ئىشقا ئاشۇرۇشنى پىلانلىغانلىقىنى بىلدۈرۈشمەكتە.