- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
تۈركىيەدىكى ئۇيغۇر تېۋىپلار يۇقۇمغا قارشى خىزمەتكە تەييار ئىكەنلىكىنى بىلدۈردى
قىبرىس خەۋەر ئاگېنتلىقىنىڭ بۈگۈنكى خەۋىرىدە بىلدۈرۈلۈشىچە، خەلقئارا ئۇيغۇر تېبابىتى ۋە دورىگەرلىكى ئىلمىي جەمئىيىتى ۋە ئۇيغۇر تېبابەتچىلىك-دورىگەرلىك تەتقىقات ۋەقفىگە ئەزا 20دىن ئارتۇق ئۇيغۇر تېۋىپ يۇقۇم ئېغىرلىشىۋاتقان بۇ مەزگىلدە تۈركىيە خەلقى ئۈچۈن خىزمەتكە تەييار ئىكەنلىكىنى بىلدۈرگەن.
مەزكۇر جەمئىيەت ۋە ۋەقفىنىڭ رەئىسى پىروفېسسور مۇتەللىپ ئەلى ھاجىم بۇ ھەقتە توختىلىپ، ۋۇخەندىن تارقالغان خىتاي ۋىرۇسىنىڭ پۈتۈن دۇنياغا، جۈملىدىن تۈركىيەگە تەھدىت ئېلىپ كەلگەنلىكىنى، بۇ ئېغىر مەزگىلدە ئۇيغۇر تېۋىپلارنىڭ تۈركىيەگە خىزمەت قىلىشقا تەييار ئىكەنلىكىنى، 2500 يىلدىن ئارتۇق تارىخقا ئىگە ئۇيغۇر تېبابىتىنىڭ ھازىرمۇ دەۋرنىڭ ئېھتىياجىدىن چىقالايدىغانلىقىنى بىلدۈرگەن.
ئۇ سۆزىدە يەنە ئەينى ۋاقىتتا سارس تارقالغان مەزگىلدە ئۇيغۇر تېبابىتى دورىلىرىنىڭ كېسەلگە قارشى ئۈنۈملۈك رول ئوينىغانلىقىنى، خىتاي دائىرىلىرىنىڭ كۈنىگە نەچچە ئون مىڭ قاپ دورىنى خىتاي ئۆلكىلىرىگە يۆتكىگەنلىكىنى، بۇ سەۋەبلىك ئۇيغۇر تېبابىتى دورىلىرى زاۋۇتىنى كېڭەيتىشكە مەجبۇر بولغانلىقىنى بىلدۈرگەن.
پىروفېسسور مۇتەللىپ ئەلى ھاجىم تۈركىيەدىكى ئۇيغۇر تېۋىپلارنىڭ خىتاي ۋىرۇسىغا قارشى دورىلارنى ياساش ۋە كېسەللەرنى داۋالاش ئىمكانىيىتىگە ئىگە ئىكەنلىكىنى، ئۇيغۇرلارنىڭ ئىككىنچى ۋەتىنى بولغان تۈركىيەگە خىزمەت قىلىشقا تەييار ئىكەنلىكىنى ۋە بۇنى تەلەپ قىلىدىغانلىقىنى بىلدۈرگەن.