ئىستىقلال تېلېۋىزىيىسى خەلقىمىزنىڭ قوللىشى بىلەن تەرەققىي قىلماقتا

ئىستىقلال تېلېۋىزىيىسى خەلقىمىزنىڭ قوللىشى بىلەن تەرەققىي قىلماقتا
ئىسلامىي ۋە مىللىي قىممەت-قاراشلىرىمىزدىن چەتنمىگەن ئاساستا خەلقىمىزگە ۋەتىنىمىز شەرقىي تۈركسىتان ۋە دۇنيا ۋەزىيىتىدىن ۋاقتىدا خەۋەر بېرىش ۋە ھەرخىل سىياسى، دىنىي، ئىلمىي سۆھبەتلەر ئارقىلىق مىللىتىمىزنىڭ مەنىۋىيىتىنى يۇقىرى كۆتۈرۈش ۋە يېڭى مەلۇماتلارغا ئىگە قىلىش، قىسقىسى ئىشغال ئاستىدىكى ۋەتىنىمىز شەرقىي تۈركىستاننىڭ مۇستەقىللىق كۆرىشىدە بىر كىشىلىك ئورنىمىزنى ئېلىش مەقستىدە قۇرۇلغان ۋە 12 يىلدىن بۇيان ئۈزلۈكسىز خىزمىتىنى داۋام قىلىۋاتقان شەرقىي تۈركىستان تەشۋىقات ۋە ئاخبارات ئاگېنتلىقى قارمىقىدىكى ئىستىقلال تېلېۋىزىيىمىز مۇھاجىرەتتىكى ئۇيغۇر ئاخباراتلىرىنىڭ ئەڭ ئالدىنقى قاتاردىكىلىرىدىن ئورۇن ئېلىپ كەلمەكتە ۋە خەلقىمىزنىڭ بىزنى ھەرجەھەتتىن قوللاپ قۇۋۋەتلىشى نەتىجىسىدە كۈنسىرى تەرەققى قىلىپ ماڭماقتا.
ئىلگىرى پەقەتلا ئۇيغۇر تىلىدا تارقىتىلىۋاتقان پروگراممىلىرىمىز، ئەمدىلىكتە تۈركچە ۋە ئەرەبچىمۇ تارقىتىلىپ تۈركىيە ۋە ئەرەب دۇنياسىدىمۇ بەلگىلىك تەسىر كۆرسەتمەكتە.
مېديا – تەشۋىقات ساھەسىنىڭ كۈنسىرى ئۇچقاندەك تەرەققى قىلىشى بىلەن ئۇنىڭغا ئىشلىتىدىغان ئۈسكۈنىلەرمۇ جىددى شەكىلدە ئۆزگەرمەكتە ۋە يېڭىلانماقتا.
دۈشمىنىمىز خىتاي تاجاۋۇزچىلىرىنىڭ يالغان سەپسەتە تەشۋىقاتلىرىغا ئەڭ كۆپ كۈچ ۋە ئىقتىساد سەرپ قىلىۋاتقانلىقى ۋە دۇنيانى بۇ سەپسەتىلىرى بىلەن ئالداشقا ئۇرۇنۇۋاتقانلىقى، ھەمدە ئوچۇق ئاشكارا ھالەتتە تەشۋىقات ساھەسىنى ئىس – تۈتەكسىز جەڭ مەيدانى! بىز بۇ مەيداننى ئەسلا بوشاشتۇرۇپ قويماسلىقىمىز كېرەك دېگەنلىكى ھەممىمىزگە ئايان.
ئىستىقلال تېلېۋىزىيىمىز يەنى سىزنىڭ ئسىتىقلال تېلېۋىزىيىڭىز مانا بۇ ئىس – تۈتەكسىز جەڭ مەيدانىدا ئەزەلى دۈشمىنىمىز بىلەن جەڭ قىلماقتا.
كەڭ خەلقىمىزنى دۈشمىنىمىز بىلەن بولغان بۇ جېڭىمىزدە بىزنى تېخىمۇ قوللاشقا، تېخىمۇ ئىلغار تېخنىكا ۋە ئۈسكۈنىلەر بىلەن ئۇلارنىڭ سەپسەتىلىرىنى يەرگە ئۇرۇش ئۈچۈن ھەمدەمدە بولۇشقا چاقىرىق قىلىمىز.
بۇ مۇناسىۋەت بىلەن ھازىرغىچە ماددى ۋە مەنىۋى جەھەتتىن بىزگە ھەمدەم بولۇۋاتقان ئىسىمسىز قەھرىمانلىرىمىزغا تەشەككۈر ئېيتىش بىلەن بىرگە 2-مارت ئىسمىنى ئاشكارىلاشنى خالىمىغان بىر قېرىندىشىمىزنىڭ نامايىش ۋە ھەرخىل دالا پائالىيەتلىرىدە ئىشلىتىشىمىز ئۈچۈن بىر يۈرۈش ئاۋاز ئۈسكۈنىسى ھەدىيە قىلغانلىقىغا رەھمەت ئېيتىمىز.
ئىستىقلالدا مېنىڭمۇ بىر ئىزىم بولسۇن دېسىڭىز بىز بىلەن ئالاقە قىلىڭ!

ئالاقە نۇمۇرى: 905417977700+ 905538951933+