- خىتايلار ئىقتىسادنىڭ چېكىنىشى سەۋەبلىك چەت ئەلگە قېچىشنى پىلانلىماقتا
- خىتاينىڭ يېڭى تەكلىپى بېرمىدا تالاش-تارتىش قوزغىدى
- خىتاينىڭ زور بىر تۈركۈم شىركەتلىرى مەجبۇرىي ئەمگەك جازا تىزىملىكىگە كىرگۈزۈلدى
- خەلقئارا ئاممىۋى تەشكىلاتلار يەرمەنكىسىدە شەرقىي تۈركىستان مەسىلىسى تونۇشتۇرۇلدى
- ياپونىيە خىتاينىڭ ھەربىي ھەرىكەتلىرىگە نارازىلىق بىلدۈردى
- چەت ئەلدىكى موڭغۇللار ئامېرىكىنىڭ يېڭى قانۇنىنى قارشى ئالدى
- پاكىستان خىتايغا ئەجەللىك زەربە بېرىۋاتقان قوراللىقلارغا قارشى يېڭى ھۇجۇم قوزغىدى
- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
سۈرگۈن قىلىنغان ئۇيغۇرلارنىڭ سانى ئاشكارىلاندى
13-يانۋار شەرقىي تۈركىستاندىكى خىتاي تاراتقۇلىرى ئالدىنقى بىر يىل ئىچىدە قانچىلىك شەرقىي تۈركىستان خەلقىنى يۇرتلىرىدىن سۈرگۈن قىلغانلىقىنى ئاشكارىلىغان.
ئاتالمىش ئۇيغۇر ئاپتونوم رايونلۇق ئادەم كۈچى ۋە ئىجتىمائىي پاراۋانلىق نازارىتى 2019-يىلى بىر يىل ئىچىدە 480 مىڭ 900 كىشىنىڭ ئىشقا ئورۇنلاشتۇرۇلغانلىقىنى ئېلان قىلغان بولۇپ، 2019-يىلى ئىشقا ئورۇنلاشتۇرۇش ۋەزىپىسىنى %87 پىرسەنت ئاشۇرۇپ ئورۇندىغانلىقىنى ئېلان قىلغان.
ئەمما بۇنىڭ ئىچىدە ئاتالمىش «ئېشىنچا ئەمگەك كۈچى» باھانىسى بىلەن شەرقىي تۈركىستاننىڭ ئىچى ۋە سىرتىدىكى جايلارغا يۆتكەلگەن ئۇيغۇرلارنىڭ قانچە پىرسەنتنى تەشكىل قىلىدىغانلىقى ھەققىدىكى تەپسىلىي مەلۇماتلارنى ئاشكارىلىمىغان.
شەرقىي تۈركىستاندىكى ئاخبارات ۋاستىلىرىدە ئاشكارىلانغان مەلۇماتلارغا ئاساسلانغاندا، خىتاي شەرقىي تۈركىستان خەلقىنى ئائىلىسىدىن ئايرىش، زىچ ئولتۇراقلاشقان شەرقىي تۈركىستان خەلقىنى تارقاقلاشتۇرۇپ كونترول قىلىش، ئائىلىلەرنى پارچىلاپ قىرغىن قىلىشتىن ئىبارەت رەزىل مەقسىتىگە يېتىش ئۈچۈن، ئاتالمىش «ئىشقا ئورۇنلاشتۇرۇش» نامىدا خىتاي ئۆلكىلىرىدىكى زاۋۇت-كارخانىلارغا مەجبۇرىي سۈرگۈن قىلىشنى داۋاملاشتۇرغان. ھەتتا ئىجتىمائىي ئۇچۇر ۋاسىتىلىرىدە خىتاي ئۆلكىلىرىگە سۈرگۈن قىلىنغان ئۇيغۇر ئىشلەمچىلەر ھەققىدە ئېلانلارمۇ تارقىتىلغان.