- بېسىم ۋە جازالارغا قارىماي شەرقىي تۈركىستاننىڭ تاشقى سودىسى داۋاملىق ئاشقان
- خىتاي بىلەن پاكىستان ئاتالمىش «تېررورلۇققا قارشى» مانېۋىر ئۆتكۈزمەكچى
- ئامېرىكا بىلەن فىلىپپىن ھەربىي ئىستىخبارات ئۇچۇرلىرىنى ئورتاقلىشىش كېلىشىمى ئىمزالىدى
- خىتاي تۈرلۈك ۋاسىتىلەر بىلەن جىنايەتلىرىنى يوشۇرۇشقا ئۇرۇنماقتا
- شەرقىي تۈركىستاننىڭ توكىنى خىتايغا توشۇش قۇرۇلۇشلىرى داۋاملىق كۆپەيتىلمەكتە
- خىتايدا تۇرۇۋاتقان چەت ئەللىك مۇخبىرلارنىڭ بىخەتەرلىك خەۋپى بارغانسېرى كۈچەيگەن
- خىتاي شەرقىي تۈركىستاننىڭ جەنۇبىي رايونلىرىدىكى تېررور سىياسىتىنى كۈچەيتمەكتە
- ئۇيغۇر پۇتبولچىنىڭ خىتاي دۆلەت كوماندىسىغا تاللىنىشى دىققەت قوزغىدى
- خىتاي ئىقتىسادى يەنىلا ئاجىز نۇقتىدا تۇرماقتا
- خىتاي ئاتالمىش «قەدىمىي شەھەرنى قوغداش» نامىدا كۆز بويامچىلىقنى كۈچەيتمەكتە
ئاۋسترالىيەدىكى ئوت ئاپىتى داۋاملاشماقتا
فىرانسىيە خەلقئارا رادىئوسى تورىنىڭ خەۋىرىدە بىلدۈرۈلۈشىچە، ئاۋسترالىيەدە يۈز بەرگەن غايەت زور ئوت ئاپىتى ھازىرمۇ داۋاملىشىۋاتقان بولۇپ، زور تۈركۈمدىكى ھايۋانلارنىڭ ئۆلۈشىنى كەلتۈرۈپ چىقارغان.
ئاۋسترالىيە ھازىر ياز پەسلى مەزگىلىدە تۇرۇۋاتقان بولۇپ، ئوتتۇرىچە تېمپېراتۇرىسى 41 گىرادۇستىن ئېشىپ كەتكەن. ئادەتتە ئاۋسترالىيەنىڭ جۇغراپىيەلىك ئورنى سەۋەبلىك تەبىئىي ئوت ئاپىتى كۆپ يۈز بېرىدىغان بولسىمۇ، بۇ قېتىملىق ئوت ئاپىتى تارىختا ئاز كۆرۈلىدىغان دەرىجىدە كېڭىيىپ كەتكەن.
نۆۋەتتە ئوت ئاپىتى داۋاملىشىۋاتقىلى تۆت ئاي بولغان بولسىمۇ، پەسىيىش ئەھۋالى كۆرۈلمىگەن. ھازىرغىچە تۆت ئوت ئۆچۈرۈش خادىمىنى ئۆز ئىچىگە ئالغان 26 كىشى قازا قىلغان. ئۇندىن باشقا بىر مىلياردتىن ئارتۇق ھايۋانلارنىڭ ئۆلگەنلىكى مۆلچەرلەنگەن. كېنگۇرۇ، كوئالا قاتارلىق ئاز ئۇچرايدىغان ھايۋانلارنىڭ بىر قىسمى ئۆلۈمدىن قۇتۇلغان بولسىمۇ، ئەمما ياشاش مۇھىتى ئېغىر دەرىجىدە بۇزغۇنچىلىققا ئۇچرىغان.
نۆۋەتتە ئوت ئاپىتىدىن كېلىپ چىققان ئىس-تۈتەكلەر بىرازىلىيە، ئارگېنتىنا قاتارلىق دۆلەتلەرگىچە يېتىپ بارغان. ئاۋسترالىيە ھۆكۈمىتى ئوت ئاپىتىنىڭ قىسقا ۋاقت ئىچىدە پەسەيمەيدىغانلىقىنى بىلدۈرگەن.