خىتاي گۇۋاھچى ئۇيغۇر ئاياللىرىغا نومۇسسىزلارچە ھۇجۇم قىلماقتا

شەرقىي تۈركىستاندا ئۇيغۇرلارغا يۈرگۈزۈۋاتقان ئىرقىي قىرغىنچىلىق سەۋەبلىك خەلقئارانىڭ ئەيىبلىشىگە ئۇچراۋاتقان خىتاي ئۆزىنى ئاقلاش ئۈچۈن گۇۋاھلىق بېرىۋاتقان ئۇيغۇر ئاياللىرىغا قارىتا نومۇسسىزلارچە ھۇجۇمنى كۈچەيتمەكتە .
خىتاي دائىرىلىرى ۋە تاراتقۇلىرى جازا لاگېرى ھەققىدىكى مەلۇماتلارنى دۇنياغا ئاشكارىلاپ كېلىۋاتقان گۇۋاھچىلارنى پۈتۈنلەي يالغانچىغا چىقىرىپ , ئۇلارنىڭ ئاتالمىش «خىتايغا قارشى كۈچلەر» تەرىپىدىن پايدىلىنىپ كەلگەنلىكىنى جار سالغان ئىدى. يېقىندا خىتاي ئەمەلدارلىرى گۇۋاھچى ئاياللارنىڭ شەخسىي داۋالاش ئۇچۇرلىرىنى ئېلان قىلغاندىن سىرت , يەنە ئۇلارنىڭ بىرىنىڭ باشقىلار بىلەن بىنورمال مۇناسىۋىتى بارلىقىنى, يەنە بىرىنىڭ جىنسىي كېسەللىك بىلەن يۇقۇملانغانلىقىنى ئېيتىپ, نومۇسسىزلارچە تۆھمەت چاپلىغان ۋە بۇ ئارقىلىق گۇۋاھچى ئاياللارنىڭ ئوبرازىنى خۇنۈكلەشتۈرۈپ , خەلقئارا جەمئىيەتنىڭ كۆزىنى بوياش مەقسىتىگە يەتمەكچى بولغان.

خىتاي تاشقى ئىشلار مىنىستىرلىكى دۈشەنبە كۈنى ئاياللار ھەققىدە ئاشكارىلانغان ئۇچۇرلار توغرىسىدىكى سوئاللارغا جاۋاب بېرىشنى رەت قىلىپ: «بىر قىسىم خىتايغا قارشى كۈچلەر ھەقىقەتنى كۆرمەسكە سېلىۋالىدۇ ۋە شەرقىي تۈركىستان ھەققىدە ھەر خىل يالغان-ياۋىداقلارنى ئويدۇرۇۋاتىدۇ. .
. ئالىي تەتقىقاتچى ئادرىيان زېنز تىۋىتتېر ھېسابىدا رويتېر ئاگېنتلىقىنىڭ بۇ ھەقتىكى خەۋىرىنى نەقىل كەلتۈرۈپ: «رويتېر ئاگېنتلىقى خىتاينىڭ شەخسكە ھۇجۇم قىلىش ۋە ساغلاملىق ئۇچۇرلىرىنى ئاشكارىلاش ئارقىلىق, گۇۋاھچى ئۇيغۇر ئاياللىرىغا قانداق ھۇجۇم قىلغانلىقىنى كۆرسىتىپ بەردى» دەپ, خىتاينىڭ بۇ قىلمىشىغا نارازىلىقىنى بىلدۈرگەن.