- شەرقىي تۈركىستان ئۆلىمالار بىرلىكى «ناماز ئىنكارچىلىرى» ھەققىدە بايانات ئېلان قىلدى
- كونگو جۇمھۇرىيىتىدىكى ئاھالىلەر خىتايغا نارازىلىق بىلدۈردى
- نۇزۇگۇم جەمئىيىتىدىن بىر ھەيئەت تۈركىيە پارلامېنتىنى زىيارەت قىلدى
- ئامېرىكا ئالىي ئەمەلدارى: تەيۋەننىڭ خەلقئارالىق تەشكىلاتلارغا قاتنىشىشىنى قوللايمىز
- خىتاي ئىككى ئۇيغۇر ئەمەلدارنى جازالىغانلىقىنى ئېلان قىلدى
- خىتاينىڭ سىياسىي ۋە ئىقتىسادىي مۇھىتى تېخىمۇ ناچارلاشماقتا
- خىتاي بىلەن ئامېرىكا بەش نۇقتىدا ئورتاق تونۇش ھاسىل قىلغان
- خىتاي ياپونىيە پارلامېنت ئەزالىرى ئولتۇرغان تەكشۈرۈش پاراخوتىنى توسۇۋالدى
- ئاۋسترالىيەنىڭ ئادىلەيد شەھىرىدە ئۇيغۇر كۈلتۈرى تونۇشتۇرۇلدى
- خىتايدىكى 13 بال قارا قۇيۇندا بەش خىتاي ئۆلدى
پاكىستان خەلقى پەيغەمبىرىمىزنى ھاقارەتلىگەن فىرانسىيەگە نارازىلىق بىلدۈردى
پاكىستان خەلقى پەيغەمبىرىمىزنى ھاقارەتلىگەن فىرانسىيەگە نارازىلىق بىلدۈردى
3-سېنتەبىر پاكىستان ۋە بېنگال مۇسۇلمانلىرى فىرانسىيەنىڭ سىياسىي ساتىرا ژۇرنىلى «چارلى ھېبدو»نىڭ پەيغەمبىرىمىز مۇھەممەد ئەلەيھىسسالامنى تېما قىلغان ھاقارەتلىك ھەجۋىي رەسىملەرنى قايتا نەشر قىلغانلىقىغا قارشى نارازىلىق بىلدۈردى.
نامايىشتا فىرانسىيە بايرىقى كۆيدۈرۈلۈپ، مەزكۇر فىرانسىيە ژۇرنىلىنىڭ قايتا نەشر قىلىنىپ، دۇنيا مۇسۇلمانلىرىغا ھاقارەت قىلغانلىقىنى ئەيىبلىدى ھەمدە فىرانسىيەنىڭ بۇ ژۇرنالنى دەرھال ئەمەلدىن قالدۇرۇشنى تەلەپ قىلدى. نامايىشچىلار پاكىستان ھۆكۈمىتى ۋە بارلىق ئىسلام ئەللىرىنى فىرانسىيە مېلىنى بايقۇت قىلىشقا چاقىردى.
دۇنيا مۇسۇلمان ئالىملار بىرلىكىنىڭ باش كاتىپى ئەلى مۇھىددىن ئەل قاراداغى «چارلى ھېبدو» ژۇرنىلىنىڭ بۇ قىلمىشىغا نارازىلىق بىلدۈرۈپ، فېيسبۇك ھېسابىدا بايانات ئېلان قىلدى.
قاراداغى باياناتىدا: «بىز جاھالەتكە جاھالەت بىلەن جاۋاب قايتۇرمايمىز. بۇ ژۇرنالمۇ ۋە ئۇنىڭ باشقۇرغۇچىلىرىمۇ پەيغەمبىرىمىزنىڭ تاپىنىغا قونغان توپا-چاڭچىلىق قىممەتكە ئېرىشەلمەيدۇ» دېگەنلەرنى بىلدۈردى.
ئۇ باياناتىدا مۇسۇلمانلارنىڭ يامانلىقنىڭ ئەمەس، پىكىرلەرنىڭ قوغدىغۇچىلىرى ئىكەنلىكىنى تەكىتلەپ: «بىز بارلىق مۇقەددەس ئۇقۇملارغا چېقىلىشقا بولمايدىغانلىقىغا ئىشىنىمىز. ياخشىلىق، ئادالەت ۋە ئەركىنلىكنىڭ ئۆگەتكۈچىسى بولغان پەيغەمبىرىمىز ھەزرىتى مۇھەممەد ئەلەيھىسسالامغا ھاقارەت قىلغانلار ئەخلاقسىز ۋە نومۇسسىزلاردۇر» دېدى.
مەزكۇر ژۇرنال 2015-يىلى 1-ئايدا ھەزرىتى مۇھەممەد ئەلەيھىسسالام ھەققىدە ھاقارەتلىك ھەجۋىي رەسىملەرنى ئېلان قىلىپ، ئىسلام ئەللىرىنىڭ قاتتىق نارازىلىقىغا ئۇچرىغان ۋە قانلىق «چارلى ۋەقەسى»نىڭ يۈز بېرىشىگە سەۋەبچى بولغان ئىدى.