- ياۋروپا ئىتتىپاقى كومىتېتى TEMU نى تەكشۈرمەكچى
- خىتاي قەشقەردە مەخسۇس يىغىن ئېچىپ، ئىرقىي قىرغىنچىلىق سىياسىتىنى تەكىتلىدى
- ياۋروپا ئىتتىپاقىنىڭ خىتاي ئاپتوموبىللىرىغا تاموژنا بېجى قوشۇش قارارى قانۇنغا ئايلاندى
- خىتاي خاككېرلىرىنىڭ تىرامپنى نىشانلىغانلىقى ئاشكارىلاندى
- خىتاي دېڭىز ئاستى جاسۇسلۇق ئۈسكۈنىلىرىنى بايقىغانلىقىنى دەۋا قىلدى
- خىتاي تۇغۇش نىسبىتىنى ئاشۇرۇش ئۈچۈن بىر قاتار تەدبىرلەرنى ئېلان قىلدى
- ئامېرىكا خىتاينىڭ بىر قىسىم تېخنىكىلىرىغا مەبلەغ سېلىشىنى چەكلىدى
- خىتاي شەرقىي تۈركىستاندا ئاتالمىش «كىشىلىك ھوقۇق تەرەققىيات مۇنبىرى» ئۆتكۈزدى
- ئۇيغۇر قىز ئەرفىيە ئومۇمىي سايلامدا قايتا پارلامېنت ئەزاسى بولۇپ سايلاندى
- شەرقىي جەنۇبىي ئاسىيا ياشلار يىغىنىدا شەرقىي تۈركىستان مەسىلىسى تونۇشتۇرۇلدى
خوڭكوڭدا يەنە بىر قېتىملىك مىليون كىشىلىك نامايىش ئۆتكۈزۈلدى
خوڭكوڭدا يەنە بىر قېتىملىك مىليون كىشىلىك نامايىش ئۆتكۈزۈلدى
گېرمانىيە ئاۋازى تورىنىڭ خەۋىرىدە بىلدۈرۈلۈشىچە، تۈنۈگۈن (18-ئاۋغۇست) خوڭكوڭدا يەنە بىر قېتىملىك كەڭ كۆلەملىك نامايىش ئۆتكۈزۈلگەن.
خوڭكوڭ ساقچى دائىرىلىرى بىلەن نامايىشچىلار ئوتتۇرىسىدىكى توقۇنۇشنىڭ ئۈزلۈكسىز كۈچىيىشىگە ئەگىشىپ، خەلقنىڭ نارازىلىقى بارغانسېرى كۈچەيگەن. تۈنۈگۈن خوڭكوڭ خەلقى خىتاي كوممۇنىستىك ھۆكۈمىتىگە قارشى مىليون كىشىلىك نامايىش ئۆتكۈزگەن بولۇپ، جەمئىي بىر مىليون 700 مىڭ كىشى نامايىشقا قاتناشقان. بۇ 6-ئايدىن بۇيانقى خوڭكوڭدا ئۆتكۈزۈلگەن ئۈچىنچى قېتىملىق مىليون كىشىلىك نامايىش ھېسابلىنىدىكەن.
بۇ قېتىملىق نامايىشنىڭ باش تېمىسى «ساقچىلار بىلەن قارا جەمئىيەتنىڭ بىرلىشىۋېلىشىنى توختىتىش، بەش چوڭ تەلەپنى ئەمەلىيلەشتۈرۈش» بولۇپ، ئىككى يېرىم سائەتلىك نامايىش تىنچ يوسۇندا داۋاملاشقان.
نامايىشچىلار خوڭكوڭ خەلقىنىڭ خوڭكوڭ ھۆكۈمىتى ۋە خوڭكوڭ ساقچىلىرى تەرىپىدىن يەتكۈچە ھاقارەتلەنگەنلىكىنى، خىتايچە باستۇرۇش ئۇسۇلىنىڭ خوڭكوڭ خەلقىگىمۇ قوللىنىلىشقا باشلىغانلىقىنى، خوڭكوڭ ئەمەلدارلىرىنىڭ ھەق-ھوقۇقىنى قوغداش ئۈچۈن قارشىلىق كۆرسىتىۋاتقان نامايىشچىلارنى ھاقارەتلەپ «سۈۋەرەك» دەپ ئاتاۋاتقانلىقىنى، بۇنىڭ ئەينى ۋاقىتتىكى ناتسىست گېرمانىيەنى ئەسلىتىدىغانلىقىنى بىلدۈرۈشكەن.
بۇندىن بىر كۈن بۇرۇن خوڭكوڭدىكى خىتاي تەرەپدارلىرى يىغىلىپ، ساقچىلارنى قوللاپ نامايىش ئۆتكۈزگەن. گەرچە خىتاي دائىرىلىرى بۇ نامايىشقا 500 مىڭغا يېقىن كىشىنىڭ قاتناشقانلىقىنى بىلدۈرگەن بولسىمۇ، ئەمما نامايىشچىلارنىڭ سانى كىشىلەرنىڭ گۇمانىنى قوزغىغان.