- شەرقىي تۈركىستاندا ئۇيغۇرسىز بازار، ئۇيغۇرسىز دۇكانلار كۆپەيمەكتە
- گېرمانىيەدە يەنە بىر خىتاي جاسۇسلۇق قىلىش بىلەن ئەيىبلەندى
- ئۇيغۇر مەجبۇرىي ئەمگىكىنى ئېنىقلايدىغان سۈنئىي ئىدراك سۇپىسى ياسالدى
- ئامېرىكا تاشقى ئىشلار مىنىستىرى خىتاي زىيارىتىنى باشلىدى
- خىتاينىڭ گۇاڭدۇڭ ئۆلكىسىدە ئېغىر كەلكۈن ئاپىتى يۈز بەردى
- ياۋروپا پارلامېنتى مەجبۇرىي ئەمگەك مەھسۇلاتلىرىنى چەكلەش نىزامىنى تەستىقلىدى
- خىتاي مۇداپىئە مىنىستىرلىقى ئۇچۇر ياردەمچى قىسمى قۇرغانلىقىنى ئېلان قىلدى
- گېرمانىيە ئەمەلدارى: خىتاي بىخەتەرلىكىمىزگە تەھدىت
- ئىككى ئەنگلىيە پۇقراسى خىتايغا جاسۇسلۇق قىلىش بىلەن ئەيىبلەندى
- يىللىق دوكلات: خىتاي شەرقىي تۈركىستاندا ئىرقىي قىرغىنچىلىق يۈرگۈزمەكتە
دۇنيا سودا تەشكىلاتى خىتايغا ئامېرىكا ماللىرىدىن قوشۇمچە تاموژنا بېجى ئېلىش ھوقۇقى بەردى
دۇنيا سودا تەشكىلاتى خىتايغا ئامېرىكا ماللىرىدىن قوشۇمچە تاموژنا بېجى ئېلىش ھوقۇقى بەردى
ب ب س تورىنىڭ خەۋىرىدە بىلدۈرۈلۈشىچە، دۇنيا سودا تەشكىلاتى (WTO) 1-نويابىر ھۆكۈم چىقىرىپ، خىتاينىڭ ھەر يىلى 3.6 مىليارد دوللار قىممىتىدىكى ئامېرىكا ماللىرىغا قوشۇمچە تاموژنا بېجى ئېلىش ھوقۇقىنى بەرگەن.
بۇ ھۆكۈم خىتاينىڭ يەتتە يىل بۇرۇن دۇنيا سودا تەشكىلاتىغا سۇنغان ئەرزىگە قارىتا چىقىرىلغان. بىلدۈرۈلۈشىچە، خىتاي دائىرىلىرى 2012-يىلى ئامېرىكىنىڭ قۇياش ئېنېرگىيەسى باتارېيە تاختىسى، ئاليۇمىن ماتېرىيالى قاتارلىق 7.3 مىليارد دوللار قىممىتىدىكى بىر قىسىم خىتاي مەھسۇلاتلىرىدىن قوشۇمچە تاموژنا بېجى ئالغانلىقىغا قارشى نارازىلىق ئەرزى سۇنغان.
گەرچە بۇ تاموژنا بېجى سوممىسى ئامېرىكا-خىتاي سودا ئۇرۇشىدا تالاش-تارتىش قىلىنىۋاتقان نەچچە يۈز مىليارد دوللارغا نىسبەتەن يوقنىڭ ئورنىدا بولسىمۇ، ئەمما ئىككى تەرەپ سودا كېلىشىمى ئىمزالاش ئالدىدا تۇرۇۋاتقان پەيتتە بۇ ھۆكۈمنىڭ ئېلان قىلىنىشى غۇلغۇلا قوزغىغان. شۇنداقلا خىتاي بۇ ھوقۇقىدىن پايدىلانسا، ئىككى تەرەپنىڭ سودا سۆھبىتىدە جىددىيچىلىك كۆرۈلۈشى مۇمكىنلىكى بىلدۈرۈلگەن.
مەلۇم بىر ئامېرىكا ئەمەلدارى بۇ ھەقتە ئىپادە بىلدۈرۈپ، دۇنيا سودا تەشكىلاتىنىڭ بۇ قارارىدىن قاتتىق ئۈمىدسىزلەنگەنلىكىنى، ھۆكۈم چىقىرىش جەريانىدا مەسىلىنىڭ توغرا ئانالىز قىلىنمىغانلىقىنى بىلدۈرگەن. ئەمما ئۇ يەنە بۇ قارار ئىككى تەرەپنىڭ سودا سۆھبىتىگە تەسىر يەتكۈزىدۇ، دەپ قارىمايدىغانلىقىنى بىلدۈرگەن.