- گېرمانىيە بىلەن خىتاي ئاپتوموبىل سانلىق مەلۇماتلىرىنى ئورتاقلىشىش كېلىشىمى ئىمزالىدى
- ياپونىيە: خىتاي، شىمالىي كورىيە ۋە رۇسىيە ئىككىنچى دۇنيا ئۇرۇشىدىن بۇيانقى ئەڭ ئېغىر تەھدىت
- شەرقىي تۈركىستاندىكى قاتتىق تەقىب ئىزچىل داۋام قىلماقتا
- قىرغىزىستان خىتاي ئەپ دېتالى TikTok نى رەسمىي چەكلىدى
- تۈركىيە يەرلىك سايلىمىدىن كېيىن پارلامېنت ئەزالىرىنىڭ سانىدا ئۆزگىرىش بولدى
- ئامېرىكا خىتاينىڭ تۆكمە قىلىپ سېتىشىغا قارشى تەدبىر ئېلان قىلدى
- ئاۋسترالىيە خىتاينىڭ تەھدىتىگە قارشى ھەربىي خىراجەتنى كۆپەيتتى
- خىتاي ئاتالمىش «جۇڭخۇا مىللىتى ئورتاق گەۋدىسى ئېڭى»نى قايتا تەكىتلىدى
- مالايشىيا پالاتا ئەزاسى تەشكىلاتلار بىرلىكىنى زىيارەت قىلدى
- ئامېرىكا پارلامېنتىدا ئۇيغۇر دوستلۇق گۇرۇپپىسى قۇرۇلدى
غەرب ئەللىرىدە ياشاۋاتقان ئۇيغۇرلار بىرلىشىپ ھېيت نامىزى ئوقۇدى
غەرب ئەللىرىدە ياشاۋاتقان ئۇيغۇرلار بىرلىشىپ ھېيت نامىزى ئوقۇدى
غەرب ئەللىرىدە ياشاۋاتقان ئۇيغۇرلار شەرقىي تۈركىستان ۋەزىيىتىنىڭ ئېغىر كۈنلىرىدە كەلگەن مۇبارەك قۇربان ھېيت نامىزىنى بىرلىكتە ئوقۇغان ۋە ئۆزئارا ھېيتلىرىنى تەبرىكلەشكەن.
ئامېرىكىنىڭ ۋاشىنگتون ئەتراپىدا ياشاۋاتقان ئۇيغۇرلار يىراق-يېقىنلاردىن فايرفاكس شەھىرىدىكى «ئۇيغۇر ئىگىلىك تىكلىگۈچىلەر تورى»نىڭ پائالىيەت زالىغا ئائىلە بويىچە جەم بولۇپ، ھېيت نامىزىنى بىرلىكتە ئوقۇغان. ئۇلار شۇ ئارقىلىق ئۆزاقتىن بېرى كۆرۈشەلمەي قالغان ئۇرۇق-تۇغقانلىرىغا بولغان سېغىنىش ئازابىنى بىردەم بولسىمۇ يېنىكلىتىشكە تىرىشقان.
شىۋېتسىيەنىڭ سىتوكھولم ئەتراپىدا ياشايدىغان شەرقىي تۈركىستان خەلقى سۇتۇق بۇغراخان ئۇيغۇر مەسچىتىگە يىغىلىپ، ھېيت نامىزىنى بىرگە ئوقۇغان. نامازدىن كېيىن گۇرۇپپىلارغا بۆلۈنۈپ، ئۆي-ئۆيلەرگە بېرىپ ھېيت پەتىسى قىلىش ئارقىلىق، ۋەتەندىكى ھېيت ئەنئەنىسىنى جارى قىلدۇرغان.
گوللاندىيەدە ياشاۋاتقان ئۇيغۇرلارمۇ يىراق-يېقىندىن بىر يەرگە جەم بولۇپ، ھېيت نامىزى ئوقۇغان. نامازدىن كېيىن ئۆزئارا ھېيتلىرىنى تەبرىكلەشكەن.
كانادادا ياشاۋاتقان ئۇيغۇرلارمۇ قۇربان ھېيت نامىزىنى بىر يەرگە جەم بولۇپ ئوقۇپ، ۋەز-نەسىھەت ئاڭلىغان ھەمدە ئۇيغۇرلارنىڭ ئسىل ئەنئەنىسىنى جارى قىلدۇرۇپ، نامازدىن كېيىن ئۆزئارا پەتىلەشكەن.
