- خىتاي گېرمانىيەنىڭ باش ئەلچىسىنى چاقىرتىپ نارازىلىق بىلدۈردى
- دوكلات: شەرقىي تۈركىستاندىكى ئىنسان ھەقلىرى دەپسەندىچىلىكى داۋاملىق ئېغىرلاشماقتا
- سۈرگۈندىكى تىبەت ھۆكۈمىتى خىتاي بىلەن مەخپىي سۆھبەتلىشىپ كەلگەنلىكىنى دەلىللىدى
- شەرقىي تۈركىستاندا ئۇيغۇرسىز بازار، ئۇيغۇرسىز دۇكانلار كۆپەيمەكتە
- گېرمانىيەدە يەنە بىر خىتاي جاسۇسلۇق قىلىش بىلەن ئەيىبلەندى
- ئۇيغۇر مەجبۇرىي ئەمگىكىنى ئېنىقلايدىغان سۈنئىي ئىدراك سۇپىسى ياسالدى
- ئامېرىكا تاشقى ئىشلار مىنىستىرى خىتاي زىيارىتىنى باشلىدى
- خىتاينىڭ گۇاڭدۇڭ ئۆلكىسىدە ئېغىر كەلكۈن ئاپىتى يۈز بەردى
- ياۋروپا پارلامېنتى مەجبۇرىي ئەمگەك مەھسۇلاتلىرىنى چەكلەش نىزامىنى تەستىقلىدى
- خىتاي مۇداپىئە مىنىستىرلىقى ئۇچۇر ياردەمچى قىسمى قۇرغانلىقىنى ئېلان قىلدى
خىتاي خاككېرلار گۇرۇپپىسى يېڭى زېللاندىيەنىڭ پارلامېنت تورىغا ھۇجۇم قىلغان
يېڭى زېللاندىيە ھۆكۈمىتى خىتاي رېجىمىنىڭ قوللىشىدىكى خاككېرلار گۇرۇپپىسىنىڭ پارلامېنت تورىغا ھۇجۇم قىلغانلىقىنى بىلدۈردى.
ئامېرىكا ئاۋازىنىڭ خەۋەر قىلىشىچە، يېڭى زېللاندىيە 26-مارت خىتاينى ئەيىبلەپ، خىتاي رېجىمىنىڭ قوللىشىدىكى خىتاي خاككېرلىرىنىڭ 2021-يىلى تور ھۇجۇمى ئارقىلىق، يېڭى زېللاندىيەنىڭ ھۆكۈمىتىنىڭ سەزگۈر كومپيۇتېر سىستېمىسىغا سۇقۇنۇپ كىرگەنلىكىنى بىلدۈرگەن.
يېڭى زېللاندىيەنىڭ جاسۇسلۇققا قارشى تۇرۇش ئورگىنىنىڭ ئېيتىشىچە، «APT40» دەپ ئاتىلىدىغان، خىتاي رېجىمىنى ئارقا تىرەك قىلغان خاككېرلار گۇرۇپپىسى يېڭى زېللاندىيەنىڭ پارلامېنت تورىغا ئۇلانغان كومپيۇتېرلارغا بۇزغۇنچىلىق قىلغان. «APT» بولسا «ئىزچىل داۋاملاشقان ئالاھىدە تەھدىت» دېگەن سۆزلەرنىڭ قىسقارتىلمىسى ئىكەن.
يېڭى زېللاندىيە بىخەتەرلىك مىنىستىرى جۇدىس كولىنس بايانات ئېلان قىلىپ، كۈچلۈك تېخنىكىلىق باھالاش ئارقىلىق، مەزكۇر تور ھۇجۇمىغا مەسئۇل گۇرۇپپىنى پەرقلەندۈرەلىگەنلىكىنى بىلدۈرگەن.
ئۇ باياناتىدا: «مەزكۇر تور يېڭى زېللاندىيە ھۆكۈمىتىنىڭ ئۈنۈملۈك ئىشلىشىگە ياردەم بېرىدىغان مۇھىم ئۇچۇرلارنى ئۆز ئىچىگە ئالىدۇ. بىز بۇ ئۇچۇرلارنى بارلىق يامان غەرەزلىك تور تەھدىتىدىن قوغدىشىمىز كېرەك» دېگەن.
ئوخشاش كۈندە ئامېرىكا بىلەن ئەنگلىيە تور ھۇجۇمىغا چېتىلغان بىر خىتاي شىركىتى ۋە ئىككى خىتايغا جازا يۈرگۈزگەندىن باشقا، يەتتە خىتاي خاككېرنى يەرشارى خاراكتېرلىك تور ھۇجۇمىغا چېتىشلىق بولۇش بىلەن ئەيىبلىگەنىدى.
تەييارلىغۇچى: ئابدۇخەبەر رەجەپ