- خىتاي گېرمانىيەنىڭ باش ئەلچىسىنى چاقىرتىپ نارازىلىق بىلدۈردى
- دوكلات: شەرقىي تۈركىستاندىكى ئىنسان ھەقلىرى دەپسەندىچىلىكى داۋاملىق ئېغىرلاشماقتا
- سۈرگۈندىكى تىبەت ھۆكۈمىتى خىتاي بىلەن مەخپىي سۆھبەتلىشىپ كەلگەنلىكىنى دەلىللىدى
- شەرقىي تۈركىستاندا ئۇيغۇرسىز بازار، ئۇيغۇرسىز دۇكانلار كۆپەيمەكتە
- گېرمانىيەدە يەنە بىر خىتاي جاسۇسلۇق قىلىش بىلەن ئەيىبلەندى
- ئۇيغۇر مەجبۇرىي ئەمگىكىنى ئېنىقلايدىغان سۈنئىي ئىدراك سۇپىسى ياسالدى
- ئامېرىكا تاشقى ئىشلار مىنىستىرى خىتاي زىيارىتىنى باشلىدى
- خىتاينىڭ گۇاڭدۇڭ ئۆلكىسىدە ئېغىر كەلكۈن ئاپىتى يۈز بەردى
- ياۋروپا پارلامېنتى مەجبۇرىي ئەمگەك مەھسۇلاتلىرىنى چەكلەش نىزامىنى تەستىقلىدى
- خىتاي مۇداپىئە مىنىستىرلىقى ئۇچۇر ياردەمچى قىسمى قۇرغانلىقىنى ئېلان قىلدى
خىتاي باياناتچىسى: ئاشكارىلانغان ھۆججەتلەر ئويدۇرۇلغان
خىتاي باياناتچىسى: ئاشكارىلانغان ھۆججەتلەر ئويدۇرۇلغان
بىرلەشمە خەۋەر تورىنىڭ خەۋىرىدە بىلدۈرۈلۈشىچە، خىتاي تاشقى ئىشلار مىنىستىرلىكى باياناتچىسى گېڭ شۇاڭ 26-نويابىر بايانات ئېلان قىلىپ، شەرقىي تۈركىستاندىكى جازا لاگېرىغا ئالاقىدار يېڭىدىن ئاشكارىلانغان ئىچكى ھۆججەتلەرنى ئىنكار قىلغان.
بىر نەچچە كۈن بۇرۇن خەلقئارالىق تەكشۈرگۈچى مۇخبىرلار بىرلەشمىسى (ICIJ) خىتاينىڭ جازا لاگېرىغا ئالاقىدار ئەڭ يېڭى بىر تۈركۈم ھۆججەتنى قولغا چۈشۈرگەنلىكىنى ئاشكارىلىغان بولۇپ، بۇ ھۆججەتلەردە جازا لاگېرلىرى ھەققىدىكى مۇھىم ئۇچۇرلار كۆرسىتىپ بېرىلگەن. خەۋەر ئاشكارىلانغاندىن كېيىن جازا لاگېرلىرى مەسىلىسى قايتىدىن تاراتقۇلارنىڭ مۇھىم تېمىسىغا ئايلىنىپ، خىتايغا بېسىم ئېلىپ كەلگەن.
خىتاي دائىرىلىرى بۇ ھۆججەتلەرنى ئوخشاشلا يالغانغا چىقارغان بولۇپ، بىر قىسىم دۆلەتلەرنىڭ قەستەن پىتنە-ئىغۋا تارقىتىۋاتقانلىقىنى دەۋا قىلغان. خىتاي باياناتچىسى گېڭ شۇاڭ ئىچكى ھۆججەتلەرنىڭ تەپسىلاتى ھەققىدە توختىلىشتىن ئۆزىنى قاچۇرۇپ، كونا پەدىسى بويىچە خىتاينىڭ ئاتالمىش ئاپتونۇم رايوننى قانداق تەرەققىي قىلدۇرغانلىقىنى، جازا لاگېرلىرىنىڭ ئەمەلىيەتتە تېررورلۇققا قارشى تۇرۇش ھەرىكىتى ئىكەنلىكىنى جار سالغان.
گەرچە خىتاي دائىرىلىرى ئاشكارىلانغان ئىچكى ھۆججەتلەرنى ئىنكار قىلىپ كەلگەن بولسىمۇ، ئەمما بۇ ھۆججەتلەر خەلقئارا جەمئىيەتنى خىتايغا قارشى ئىنكاس بىلدۈرۈشتە مۇھىم دەلىل-ئىسپاتلار بىلەن تەمىنلىگەن.