خىتاي رۇسىيەدىن S-400 مۇداپىئە سىستېمىسى سېتىۋالدى
24- ئىيۇل رۇسىيەنىڭ «TASS» خەۋەر ئاگېنتلىقىنىڭ ھەربىي ۋە دىپلوماتىك مەنبەلەرگە ئاساسەن بەرگەن خەۋىرىدە كۆرسىتىلىشىچە، S-400 ھاۋا مۇداپىئە سىستېمىسى رۇسىيەنىڭ ست پېتېرسبۇرگ شەھىرىگە يېقىن جايدىكى ئۇست-لۇگا پورتىدىن خىتايغا ئەۋەتىلىشكە باشلىغان.
خەۋەردە S-400 مۇداپىئە سىستېمىسىنى تاپشۇرۇپ بېرىش جەريانىنىڭ تۈركىيەدىكىگە ئوخشاشلا كېلىشىمدە كۆرسىتىلگەن مۇددەتتىن بۇرۇن باشلانغانلىقى بىلدۈرۈلگەن بولۇپ، خىتاينىڭ 2014-يىلى رۇسىيە بىلەن كېلىشىم ئىمزالاپ، S-400 ھاۋا مۇداپىئە سىستېمىسىنىڭ تۇنجى چەتئەللىك خېرىدارى بولغانلىقى، بىرىنچى باسقۇچلۇق تاپشۇرۇپ بېرىش خىزمىتىنىڭ ئۆتكەن يىلى تاماملانغانلىقى، خىتاي ئارمىيەسىنىڭ بىرىنچى تۈركۈمدە تاپشۇرۇپ ئېلىنغان سىستېمىلارنى ئوڭۇشلۇق سىناقتىن ئۆتكۈزگەنلىكى بىلدۈرۈلگەن.